Wi vs Ind Tilak Varma : वेस्ट इंडिजविरुद्ध खेळल्या गेलेल्या पहिल्या टी-20 सामन्यात भारतीय क्रिकेट संघाला नक्कीच पराभव पत्करावा लागला असेल, पण या सामन्यात पदार्पण करणाऱ्या तिलक वर्माने आपल्या शानदार खेळाने प्रभावित केले. या डावखुऱ्या फलंदाजाने ज्या प्रकारची फलंदाजी केली, त्यानंतर त्याचे सर्वत्र कौतुक होत आहे.
या सामन्यानंतर, त्याचे केवळ सहकारी, माजी भारतीय क्रिकेटपटूच नव्हे तर दक्षिण आफ्रिकेतूनही अभिनंदन करण्यात आले. तिलक वर्माच्या एका दक्षिण आफ्रिकेतील मित्राने त्यांचे कौतुक केले आहे. त्यांचा हा मित्र त्याच्यासोबत आयपीएलमधील गेल्या दोन सीझनपासून मुंबई इंडियन्समध्ये खेळत असून दोघांची मैत्री खूप घट्ट आहे.
तिलक वर्माने पदार्पण सामन्यात आंतरराष्ट्रीय कारकिर्दीतील दुसऱ्या आणि तिसऱ्या चेंडूवर दोन शानदार षटकार ठोकले. तो चांगली फलंदाजी करत होता आणि पदार्पणाच्या सामन्यातही अर्धशतक झळकावणार असे वाटत होते, परंतु रोमॅरियो शेफर्डच्या चेंडूवर शिमरॉन हेटमायरने त्याचा झेल घेतला. त्याने 39 धावांची खेळी खेळली ज्यात त्याने 22 चेंडूंचा सामना केला आणि दोन चौकार आणि तीन षटकार मारले.
आपल्या सोशल मीडियावर एक व्हिडिओ पोस्ट केला आहे ज्यामध्ये त्याला ब्रुईसने पाठवलेला एक रेकॉर्ड केलेला संदेश सांगितला आहे. दक्षिण आफ्रिकेच्या ब्रेविसने तिलक वर्माचे पदार्पणाबद्दल अभिनंदन केले. ब्रेविसचा हा संदेश पाहून तिलक आश्चर्यचकित झाला आणि खूप आनंदी दिसला. ब्रेविसने तिलक वर्माचे स्वतःच्या व कुटुंबीयांच्या वतीने अभिनंदन केले.
या सामन्यात वेस्ट इंडिजने प्रथम फलंदाजी करताना सहा गडी गमावून 149 धावा केल्या होत्या. त्याच्याकडून कर्णधार रोव्हमन पॉवेलने 48, निकोलस पूरनने 41 धावा केल्या. भारतीय संघ या लक्ष्याच्या अगदी जवळ आला. टीम इंडियाला 20 षटकात 9 विकेट्स गमावून केवळ 145 धावा करता आल्या. भारताकडून तिलक वर्माने सर्वाधिक धावा केल्या. सूर्यकुमार यादवने 21 धावांची खेळी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
