Tokyo Olympics टोकियो ऑलिम्पिक स्पर्धेत भारतीय गोल्फर अदिती अशोक (Aditi Ashok) ऐतिहासिक कामगिरी करण्याच्या दिशेने वाटचाल करत आहे. शुक्रवारी तिसरा राउंड संपल्यानंतर 23 वर्षीय गोल्फर दुसऱ्या स्थानावर होती. गोल्फ क्रीडा प्रकारात अमेरिकेची कोरडा नेली अव्वलस्थानावर आहे. भारतीय खेळाडू अवघ्या तीन स्ट्रोकने तिच्या मागे आहे.
अमेरिकन महिला गोल्फर -15 पहिल्या तर अदिति अशोक -12 स्ट्रोकसह दुसऱ्या स्थानावर आहे. चौथ्या राउंडमध्ये तिने कामगिरीत सातत्य राखले तर आता गोल्फमध्येही भारताला पदकाची आस निर्माण झालीये. शनिवारी चौथ्या आणि अखेरच्या राउंडमध्ये ती कशी कामगिरी करतेय, हे पाहणे महत्वाचे ठरेल. अदिती अशोक सुवर्ण पदकाच्या शर्यतीत अमेरिकन गोल्फरला फाइट देताना दिसत आहे.
आतापर्यंतच्या ऑलिम्पिक इतिहासामध्ये भारताला वैयक्तिक गटात एकमेव सुवर्ण पदक मिळाले आहे. अभिनव बिंद्राने शूटिंगमध्ये गोल्डन कामगिरी केली होती. अदिताला यंदाच्या ऑलिम्पिकमध्ये सुवर्ण कामगिरी खुणावताना दिसते. ऑलिम्पिक स्पर्धेच्या सुरुवातीला गोल्फमध्ये पदकाची आशा कुणीच बाळगली नव्हती. पण अदितीने आपल्या कामगिरीने सर्वांना आश्चर्याचा सुखद धक्का दिलाय.
गोल्फमध्ये न्यूझीलंडची को लीडिया -10 ऑस्ट्रेलियाची ग्रीन हॅना -10, डेन्मार्कची पेडरसेन इमीली क्रिस्टिन -10 आणि जपानची इनामी मोन -10 समान स्ट्रोकसह संयुक्तरित्या तिसऱ्या स्थानावर आहेत. अदिती अशोक शिवाय भारताची दिक्षा डागही या क्रीडा प्रकारात भारताचे प्रतिनिधीत्व करत आहे. ती दोन स्थानांच्या सुधारणेसह 51 व्या क्रमांकावर आहे. टोकियो ऑलिम्पिक स्पर्धेत आतापर्यंत भारताच्या खात्यात 5 पदके जमा झाली आहेत. अखेरच्या टप्प्यात कुस्तीमध्ये बजरंग पुनिया आणि भालाफेक क्रिडा प्रकारात नीरज चोप्रासह आता अदिती अशोककडून पदकाची आस आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
