Turkey Earthquake: तुर्कीच्या भूकंपात फुटबॉलपटूचा मृत्यू

तुर्कस्तान आणि सीरियातील प्राणघातक भूकंपांमुळे आतापर्यंत ८ हजाराहून अधिक लोकांचा मृत्यू झाला आहे. तुर्कीमध्ये गेल्या काही दिवसात ७.८, ७.६ आणि ६.० तीव्रतेचे सलग तीन विनाशकारी भूकंप आले. दरम्यान, मोठी माहिती समोर आली आहे. एका फुटबॉलपटूचा मृत्यू झाला आहे. (Turkey Earthquake Goalkeeper Ahmet Eyup Turkaslan 28 Dies)

या विनाशकारी भूकंपात तुर्कीचा २८ वर्षीय फुटबॉलपटू अहमत इयुप तुर्कस्लानचाही मृत्यू झाला आहे. अहमत इयुप तुर्कस्लानच्या मृत्युच्या बातमीनंतर फुटबॉलविश्वात शोककळा पसरली आहे.

अहमत इयुप हा मागील दहा वर्षांपासून वरिष्ठ स्तरावरील फुटबॉल मध्ये खेळत होता. त्याने आतापर्यंत पाच विविध संघांचे प्रतिनिधित्व केलेले. यादरम्यान त्याने 87 सामने खेळले आहेत.

काही दिवसांपूर्वीच त्याचा विवाह देखील झालेला. दरम्यान, ६ फेब्रुवारी झालेल्या भूकंपात तो ढिगाऱ्याखील अडकला गेला. त्यानंतर दुसऱ्या दिवशी म्हणजेच ७ फेब्रुवारीला बचाव पथकाला त्याचे शव मिळाले.

तुर्की आणि सिरियामध्ये सोमवारी तीन मोठे भूकंप झाले. यात दोन्ही देशात हाहाकार उडाला. पत्त्याप्रमाणे इमारती कोसळल्याने मोठी जीवितहानी झाली. ८ हजारांहून अधिक नगिरकांचा यात मृत्यू झाला असून मृतांचा आकड्यात आणखी वाढ होण्याती भीती व्यक्त होत आहे.