Brijbhushan Sharan Singh: केंद्रीय क्रीडा मंत्रालयाने भारतीय कुस्ती महासंघ (WFI) नवनिर्वाचित मंडळाची मान्यता रद्द केली. राष्ट्रीय कुस्ती स्पर्धा आयोजित करण्याच्या घाईमुळे कुस्ती महासंघावर ही कारवाई करण्यात आली आहे. तसेच ही प्रक्रिया घाईत झाली त्यामुळे हे मंडळ जुन्या कुस्ती मंडळाच्या नियंत्रणाखाली असल्याचे कारण क्रीडा मंत्रालयाने सांगितले आहे.
मंत्रालयाने WFI चे नवनियुक्त अध्यक्ष संजय सिंग यांनाही निलंबित केले आहे. संजय सिंह हे भाजप खासदार आणि WFI चे माजी अध्यक्ष ब्रिजभूषण शरण सिंग यांच्या जवळचे असल्याचे सांगितले जाते.
संजय सिंग यांनी भारतीय कुस्ती महासंघाची निवडणूक जिंकली आणि ते अध्यक्ष होणार हे निश्चित झाल्यापासूनच कुस्तीप्रेमींनी यावर आक्षेप घेतला होता. संजय सिंह हे भाजप खासदार ब्रिजभूषण शरण सिंह यांच्या जवळचे आहेत आणि अशा परिस्थितीत WFI मध्ये कोणत्याही सुधारणा होण्याची आशा नसल्याचे कुस्तीपटूंनी सांगितले. (Latest Marathi News)
दरम्यान केंद्रीय क्रीडा मंत्रालयाने भारतीय कुस्ती महासंघाच्या नवनिर्वाचित संस्थेला निलंबित केल्यानंतर, माजी WFI प्रमुख ब्रिजभूषण शरण सिंग म्हणाले, "सर्वोच्च न्यायालयाच्या निर्देशानुसार लोकशाही पद्धतीने निवडणुका घेण्यात आल्या आणि मंडळाची स्थापना झाली... आता फेडरेशन सदस्यांचा निर्णय आहे की त्यांना सरकारशी बोलायचे आहे की कायदेशीर कारवाई करायची आहे. मला याच्याशी काही देणेघेणे नाही"
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
