आयपीएलमधील (IPL) मोजक्या सामन्यातील लक्षवेधी खेळीनं भारतीय क्रिकेट संघात (Team India) स्थान मिळवणारा व्यंकटेश अय्यर (Venkatesh Iyer ) दमदार कामगिरी करताना दिसतोय. देशांतर्गत क्रिकेटमधील ( Domestic Cricket) विजय हजारे ट्रॉफी स्पर्धेत (Vijay Hazare Trophy 2021 22) रविवारी झालेल्या सामन्यात त्याने दिडशतकी खेळी केली.
स्पर्धेतील दुसऱ्या शतकानंतर व्यंकटेश अय्यरने खास शैलीत सेलिब्रेशन केल्याचे पाहायला मिळाले. आपला आवडता अभिनेता असणाऱ्या दक्षिणात्य सुपर स्टार रजनीकांत (Rajinikanth) यांच्या अंदाजात त्याने दुसऱ्या शतकाचा आनंद व्यक्त केला.
मध्य प्रदेशचा व्यंकटेश अय्यर थलायवा रजनीकांत यांचा मोठा चाहता आहे. 12 डिसेंबर हा रजनीकांत यांचा जन्म दिवस आहे. याच दिवशी व्यंकटेश अय्यरने धमाकेदार खेळी करुन रजनीकांत यांना खास गिफ्ट दिल्याचे पाहायला मिळाले. स्पर्धेत मध्य प्रदेशचे प्रतिनिधीत्व करताना अय्यरने चंदीगड विरुद्धच्या सामन्यात 113 चेंडूत 8 चौकार आणि 10 षटकाराच्या मदतीने 151 धावांची खेळी केली. यापूर्वी त्याने केरळ विरुद्धच्या सामन्यात 12 धावांची खेळी केली होती. उत्तराखंड विरुद्धच्या सामन्यात त्यान 71 धावांची खेळी केली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
