Virat Kohli : विराट कोहलीने अखेर आपले 49 वे वनडे शतक पूर्ण केलेच! वाढदिसालाच विराट कोहलीच्या बॅटमधून आलेले हे विक्रमी शतक खास ठरले. त्याने दक्षिण आफ्रिकेविरूद्धच्या सामन्यात 119 चेंडूत शतक ठोकले. त्याने सचिन तेंडुलकरच्या वनडे क्रिकेटमध्ये सर्वाधिक 49 शतके ठोकण्याच्या विक्रमाशी विराट कोहलीने बरोबरी केली.
त्याने इडन गार्डनवरच्या संथ आणि फिरकीला साथ देणाऱ्या आव्हानात्मक खेळपट्टीवर झुंजार शतकी खेळी केली. त्याच्या या शतकी खेळीच्या जोरावर भारताने दक्षिण आफ्रिकेविरूद्ध 300 प्लसची धावसंख्या उभारली.
विराट कोहलीने 49 वे शतक पूर्ण केले. विराट कोहलीचे हे 79 वे आंतरराष्ट्रीय शतक ठोकले. विराट कोहली हा वनडे क्रिकेटमध्ये सर्वात वेगाने 49 शतक पूर्ण करणारा खेळाडू ठरला आहे. त्याने 277 डावात ही किमया केली तर सचिन तेंडुलकरने 451 डावात 49 वनडे शतके केली होती.
विराट कोहलीने सचिनच्या 49 व्या वनडे शतकांच्या विक्रमाशी यापूर्वीच बरोबरी केली असती मात्र श्रीलंकेविरूद्धच्या सामन्यात 94 चेंडूत 88 धावा करून बाद झाला. तर न्यूझीलंडविरूद्धच्या सामन्यात त्याचे अर्धशतक अवघ्या 5 धावांनी हुकले. तो 104 चेंडूत 95 धावा करून बाद झाला. तो षटकार मारण्याच्या नादात बाद झाला होता.
भारताकडून विराट सोबतच श्रेयस अय्यरने 77 धावांचे योगदान दिले. या दोघांच्या तिसऱ्या विकेटसाठीच्या 134 धावांच्या शतकी भागीदारीमुळेच भारत दक्षिण आफ्रिकेसमोर 326 धावा करू शकला. रोहित शर्माने देखील सुरूवातीला आक्रमक फलंदाजी करत 40 धावा केल्या. तर स्लॉग ओव्हरमध्ये रविंद्र जडेजाने 15 चेंडूत 29 धावा चोपल्या. सूर्यकुमार यादवने 22 तर शुभमन गिलने 23 धावांचे योगदान दिले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
