Virat Kohli : भारत आणि न्यूझीलंड यांच्यातील सेमी फायनल सामन्यात आज वानखेडेवर रोहित शर्मा आणि शुभमन गिल या सलामी जोडीने धुमाकूळ घातला. मात्र शांत मात्र तितकीच महत्वाची खेळी करणाऱ्या विराट कोहलीने देखील भारतीयांसाठी गौरवशाली कामगिरी केली.
विराट कोहली यंदाच्या वर्ल्डकपमध्ये सर्वाधिक धावा करणारा फलंदाज ठरला आहे. त्याने 600 धावांचा टप्पा पार केला असून तो एका वर्ल्डकपमध्ये सर्वाधिक धावा करणाऱ्यांच्या यादीत सध्या पाचव्या स्थानावर पोहचला आहे.
भारत आणि न्यूझीलंड यांच्यातील सेमी फायनल सामन्यात रोहित शर्मा आणि शुभमन गिलने आक्रमक सुरूवात करून देत 71 धावांची सलामी दिली. रोहित बाद झाल्यानंतर शुभमन गिल आणि विराट कोहलीने डाव पुढे नेला. आक्रमक गिलला विराट कोहलीने सावध फलंदाजी करत चांगली साथ दिली.
या दोघांनी भारताला 20 षटकात 150 पार पोहचवले. मात्र गिल दुखापतीमुळे बाहेर गेल्यावर विराट कोहलीने धावगती वाढवण्यास सुरूवात केली. त्याने 59 चेंडूत अर्धशतक ठोकले. याचबरोबर त्याने श्रेयसच्या साथीने संघाला 28 व्या षटकात द्विशतकी मजल मारून दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
