Virat Kohli: विराटनं सिक्स मारले याचे दु:ख नाही, पण पांड्यानं... पाकिस्तानी बॉलर हारिस रऊस बोलून गेला

Virat Kohli classic style dinesh karthik hardik pandya: भारत विरुद्ध पाकिस्तान मॅचची चर्चा ही कधीही जुनी होत नाही. ती नेहमीच वेगवेगळ्या प्रकारे होताना दिसते. सोशल मीडियावर तर भारत पाकिस्तान मॅचचा विषय छेडायचा अवकाश की त्यावर हजारो जण प्रतिक्रिया देण्यासाठी तुटून पडतात. सध्या पाकिस्तानी गोलंदाज हारिस रऊफ याची एक प्रतिक्रिया चर्चेत आली आहे.

वर्ल्ड कपमध्ये २३ ऑक्टोबरला भारत विरुद्ध पाकिस्तान सामना झाला होता. त्यात विराटनं केलेल्या चमकदार कामगिरीमुळे भारताला विजय मिळाला. विराटची आतापर्यतची सर्वाधिक प्रभावी खेळी म्हणून त्याकडे पाहिले गेले. आतापर्यत पाकिस्तानच्या अनेक आजी माजी गोलंदाज, फलंदाजांनी विराटचे कौतूक केले आहे. मात्र त्यात वेगवान गोलंदाज हारिस रऊफची प्रतिक्रिया भारतीय क्रिकेटप्रेमींचे लक्ष वेधून घेताना दिसत आहे.

हेही वाचा - आरामात फेडू शकाल अशीच घ्या कर्जे....

रऊफ म्हणाला, भारताला शेवटच्या दोन ओव्हरमध्ये ३१ धावा हव्या होत्या. माझ्या चार बॉलवर फक्त तीन धावा भारतीय फलंदाजांना करता आल्या. मला माहिती होतं की, शेवटची ओव्हर नवाज करणार आहे. तो एक स्पिनर आहे. आणि मी त्याच्यासाठी बऱ्याचशा धावा सपोर्ट म्हणून ठेवल्या होत्या. जेणेकरुन त्याच्यावर कुठला दबाव येणार नाही. मात्र माझ्या त्या उर्वरीत बॉलवर कोहलीनं सिक्स लगावले. हे पाहून मला वाईट वाटले. तो इतक्या दूरवर सिक्स मारेल असे वाटले नव्हते.

खरं सांगतो मला जर दिनेश कार्तिक किंवा हार्दिक पांड्यानं सिक्स मारले असते तर वाईट वाटले असते पण कोहलीकडून आपल्याला शिक्षा मिळतेय याचाही एक आनंद आहे. तो एक महान फलंदाज आहे. त्याला चकवणं अवघड आहे. तो चांगल्या चेंडूवर देखील सिक्स मारु शकतो. त्याचा क्लासच वेगळा आहे. त्यामुळे तो इतर खेळांडूपेक्षा वेगळा ठरतो हे मला आवर्जुन सांगायचे आहे. आता त्या सामन्यात आम्ही भारताला निष्प्रभ केले होते. पण केवळ कोहलीच्या आक्रमकतेमुळे आम्हाला माघार घ्यावी लागली होती. कोहलीनं माझ्या शेवट्च्या ओव्हरमध्ये दोन सिक्स मारले होते. ते मी विसरु शकत नाही.