Virat Kohli : भारत आणि अफगाणिस्तान यांच्यातील सामन्यात सगळीकडे एकच आवाज होता. तो म्हणजे रोहित शर्मा रोहित शर्मा... कारण त्याने नुतनिकरण झालेल्या अरूण जेटली स्टेडियमच्या प्रत्येक कोपऱ्यात चेंडू पोहचवत प्रेक्षकांना आपल्या सीटवर बसूच दिलं नव्हतं.
मात्र याचदरम्यान भारताची पहिली विकेट पडली. इशान किशन 47 चेंडूत 47 धावा करून माघारी परतला. यानंतर सर्वांची नजर पॅव्हेलियनकडे लागली. पॅव्हेलियनचं नाव काय तर विराट कोहली पॅव्हेलिनय!
या पॅव्हेलियनमधून खुद्द विराट कोहलीच अवतरला. लोकल बॉय आपली एमआरएफची बॅट हातात घेऊन मैदानात उतरला त्यावेळी संपूर्ण दिल्लीचं स्टेडियम विराटमय होऊन गेलं. मैदानावर आता 23000 वनडे धावा करण्याच्या अनुभव उभा होता त्यांनी भारताला मोठा विजय मिळवून देण्यासाठी कंबर कसली होती.
विराट कोहलीने आपल्या होम ग्राऊंडवर आज नाबाद अर्धशतकी खेळी करत भारताच्या मोठ्या विजयात आपला वाटा उचलला. विराट कोहलीचे हे यंदाच्या वर्ल्डकपमधील सलग दुसरे अर्धशतक आहे.
ऑस्ट्रेलियाविरूद्धच्या पहिल्या सामन्यात विराट कोहलीने संघ अडचणीत असताना 116 चेंडूत 85 धावांची खेळी केली होती.
भारताने दुसऱ्या सामन्यात अफगाणिस्तानचा 8 विकेट्स आणि 15 षटके राखून पराभव करत वर्ल्डकपमधील आपला सलग दुसरा विजय मिळवला. आता भारताचा तिसरा सामना हा 14 ऑक्टोबरला पाकिस्तान सोबत होणार आहे.
हा हाय व्होल्टेज सामना अहमदाबादच्या नरेंद्र मोदी स्टेडियमवर होणार आहे. भारत आणि पाकिस्तान यांनी आपले दोन्ही सामने जिंकून चांगली सुरूवात केली आहे. त्यामुळे अहमदाबादमधील सामन्यात नक्कीच चांगली चुरस पहावयास मिळेल यात शंका नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
