Virat Kohli : अजिंक्य रहाणेच हवा होता! विराट कोहलीचे हे व्हर्जन पाहून...

Virat Kohli Dropped Catches : भारत आणि बांगलादेश यांच्यातील दुसऱ्या कसोटीच्या तिसऱ्या दिवशी भारताने बांगलादेशचा दुसरा डाव स्वस्तात गुंडाळण्यास सुरूवात केली होती. लंचपर्यंत भारत आपल्या या मोहिमेत अग्रेसर होता. भारताचे गोलंदाज देखील प्रभावी मारा करत होते. मात्र त्यांना क्षेत्ररक्षकांकडून साथ लाभत नव्हती. भारताने आज स्लिपमध्ये भरपूर झेल सोडले. आश्चर्याची बाब म्हणजे हे सर्व झेल भारताच्या सर्वोत्तम क्षेत्ररक्षकांमध्ये गणाला जाणाऱ्या विराट कोहलीने सोडले.

विराट कोहलीने स्लिपमध्ये आज तब्बल 3 झेल सोडले. त्यातील दोन झेल हे बांगलादेशचा झुंजार फलंदाज लिटन दासचे होते. विराटची स्लिपमधील फिल्डिंग पाहून अनेक क्रिकेट चाहत्यांना आता अजिंक्य रहाणे हवा होता अशी भावना तयार झाली. अजिंक्य रहाणे कसोटीत स्लिपमध्ये फिल्डिंग करण्यात हातखंडा असलेला खेळाडू आहे. त्याने अनेक वर्षे भारताकडून कसोटीत स्लिपमध्ये उत्तम फिल्डिंग केली आहे.

1- विराट कोहलीने आजच्या सामन्यात पहिल्यांदा 44 व्या षटकात अक्षर पटेलच्या गोलंदाजीवर लिटन दासला जीवनदान दिले. विराट झेल घेताना चेंडू कोणत्या दिशेला जाईल याचा अंदाज बांधण्यात चुकला आणि भारताने विकेटची संधी गमावली.

2 - त्यानंतर विराटने 52 व्या षटकात पुन्हा अक्षर पटेलच्याच गोलंदाजीवर नरूल हसनचा झेल सोडला. चेंडू पंतच्या ग्लोजला लागून आल्याने विराट स्लिपमध्ये गोंधळा अन् झेल घेण्याची संधी दवडली गेली.

3 - विराट कोहलीने 59 व्या षटकात देखील स्लिपमध्ये एक चूक केली. अश्विनने लिटन दासला चकवा दिला होता. चेंडू त्याच्या बॅटची कडा घेऊन फर्स्ट स्लिपमध्ये गेला. मात्र वेगाने आलेला हा चेंडू विराट कोहलीने एका हाता पकडण्याचा प्रयत्न केला. मात्र त्यात तो अपयशी ठरला. यानंतर विराटने अश्विनची झेल सोडल्यामुळे माफी देखील माघितली.

अखेर मोहम्मद सिराजने लिटन दासला 73 धावांवर बाद केले. दास बाद झाल्यानंतर बांगलादेशचा डाव लगेच संपेल असे वाटले होते. मात्र टस्किन अहमदने फटकेबाजी करत बांगलादेशला 231 धावांपर्यंत पोहचवले. अखेर खलील अहमद 4 धावांवर धावबाद झाला अन् बांगलादेशचा डाव 231 धावांवर संपला. टस्किन अहमदने नाबाद 31 धावा केल्या.