Virat Kohli : इशान किशनच्या अनुपस्थितीत रोहितसोबत विराट येणार सलामीला, राजकोटच्या 4 खेळाडूंना लागली लॉटरी

IND vs AUS 3rd ODI Virat Kohli : भारत आणि ऑस्ट्रेलिया यांच्यातील तिसऱ्या वनडे सामन्यात भारतीय संघातील अनेक खेळाडूंना विश्रांती दिली आहे तर काही खेळाडू आजारी आहेत. त्यामुळे संघात मोठे बदल झाले आहेत. विशेष म्हणजे आज रोहित शर्मासोबत विराट कोहली सलामीला उतरण्याची शक्यता आहे. कारण भारताचे दोन्ही सलामीवीर शुभमन गिल आणि इशान किशन हे उपलब्ध नाहीयेत.

राजकोटवर होत असलेल्या सामन्यात इशान किशन हा शुभमन गिलच्या अनुपस्थितीत सलामीला येण्याची शक्यता होती. मात्र तो देखील आजारी पडल्यामुळे त्याचा प्लेईंग 11 मध्ये समावेश करण्यात आलेला नाही. विराट कोहली हा कायम तिसऱ्या क्रमांकावर फलंदाजी करतो. मात्र आजच्या सामन्यात तो कर्णधार रोहित शर्मासोबत सलामीला येण्याची दाट शक्यता आहे.

बीसीसीआयने आज तिसरा सामना सुरू होण्यापूर्वी एक ट्विट केले. या ट्विटनुसार धर्मेंद्र जडेजा, प्रेरक मंकड, विश्वराज जडेजा आणि हर्विक देसाई हे भारतीय संघाला ड्रिंक्स टाईमवेळी मदत करतील तसेच गरज लागल्यास फिल्डिंग करण्यासाठी देखील मैदानावर उतरतील.

तिसऱ्या वनडे सामन्यासाठी भारताची प्लेईंग ११ :

रोहित शर्मा, विराट कोहली, श्रेयस अय्यर, केएल राहुल, सूर्यकुमार यादव, रविंद्र जडेजा, वॉशिंग्टन सुंदर, कुलदीप यादव, जसप्रीत बुमराह, मोहम्मद सिराज, प्रसिद्ध कृष्णा

(Sports Latest News)