Virat Kohli Takes ODI Wicket After 9 Years For India : टीम इंडियाने या वर्ल्ड कपमध्ये आपल्या कामगिरीने चाहत्यांना खूश केले आहे. आता उपांत्य फेरीतही अशाच चमत्कारांची सर्वांनाच प्रतीक्षा आहे.
मात्र, उपांत्य फेरीपूर्वी टीम इंडियाने दिवाळीत आपला शेवटचा साखळी सामना खेळला आणि इथेही भारतीय खेळाडूंनी निराश केले नाही. खासकरून स्टार फलंदाज विराट कोहलीने एम चिन्नास्वामी स्टेडियमवर चाहत्यांना आनंदी होण्याची अनेक कारणे दिली.
कोहलीला येथे शतक झळकावता आले नाही, पण त्याच्या बॅटमधून आणखी एक अर्धशतक आले आणि त्यानंतर त्याने या वर्ल्ड कप स्पर्धेतील पहिली विकेटही घेतली.
बंगळुरूमध्ये रविवारी झालेल्या या सामन्यात टीम इंडियाने आपल्या चाहत्यांचे भरपूर मनोरंजन केले. प्रथम, श्रेयस अय्यर, केएल राहुल यांनी शानदार शतके झळकावली, तर कर्णधार रोहित शर्मा, कोहली आणि शुभमन गिल यांनी उत्कृष्ट अर्धशतके झळकावली. त्याच्या या खेळीच्या जोरावर टीम इंडियाने 410 धावांची जबरदस्त धावसंख्या उभारली.
या सामन्यात कोहली नेदरलँड्सच्या डावातील 23 वे षटक टाकायला आला आणि त्याच्या स्पेलच्या दुसऱ्याच षटकात त्याने विरोधी कर्णधार चार्ल्स एडवर्ड्सलाही बाद केले. या वर्ल्ड कपमध्ये कोहली दुसऱ्यांदा गोलंदाजी करताना दिसला. यापूर्वी त्याने बांगलादेशविरुद्धच्या सामन्यात गोलंदाजी केली होती. त्या सामन्यात त्याने फक्त तीन चेंडू टाकले आणि हार्दिकचे ओव्हर पूर्ण केले होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
