IND vs SA in 4th T20I: भारत आणि दक्षिण आफ्रिका यांच्यातील पाच सामन्यांच्या टी-20 मालिकेतील चौथा सामना राजकोट सौराष्ट्र क्रिकेट असोसिएशन स्टेडियमवर खेळला गेला. दिनेश कार्तिकने दक्षिण आफ्रिकेविरुद्ध 27 चेंडूत 55 धावा केल्या. कार्तिकच्या खेळीमुळे भारताने दक्षिण आफ्रिकेचा 82 धावांनी पराभव केला आणि मालिकेचा निकाल पाचव्या आणि शेवटच्या T20 सामन्यावर नेला. कार्तिकच्या खेळीने माजी क्रिकेटपटू प्रभावित झाले आहे. त्याने 37 वर्षीय खेळाडूचे कौतुक केले आहे.
टीम इंडियाचा माजी क्रिकेटपटू वीरेंद्र सेहवागने भलेही क्रिकेटमधून निवृत्ती घेतली आहे. तरी सोशल मीडियाच्या खेळपट्टीवर सेहवाग अधून-मधून चौकार षटकार मारत असतो. कालच्या सामन्यात दिनेश कार्तिक आणि आवेश खान भारताच्या विजयाचे खरे नायक ठरले आहे. कार्तिकने 55 धावा केल्या, तर आवेश खानने चार षटकात चार बळी घेतल्या. सामना संपल्यानंतर सेहवागने असे काही ट्विट केले आहे, जे सोशल मीडिया प्रचंड व्हायरल होत आहे.
वीरेंद्र सेहवागने 'स्कॅन 1992' या प्रसिद्ध वेब सिरीजमधील हर्षद मेहताचा एक मीम शेअर केले आहे. ज्यामध्ये लिहिले आहे की, अब चलने का नहीं *** का टाइम आया है. कार्तिकचे हे कारकिर्दीतील पहिले अर्धशतक केले, आणि पहिल्या तीन सामन्यात विकेटलेस राहिल्यानंतर आवेशच्या जागेवर प्रश्नचिन्ह निर्माण झाले होते पण टीम इंडियाने स्टाईलने हा सामना जिंकला आहे.
दिनेश कार्तिकच्या धडाकेबाज खेळीच्या जोरावर भारताने 20 षटकांत 6 बाद 169 धावा केल्या, त्यानंतर भारतीय गोलंदाजांनी अप्रतिम कामगिरी करत दक्षिण आफ्रिकेला 16.5 षटकांत केवळ 87 धावांत रोखून सामना 82 धावांनी जिंकला. पाच सामन्यांची मालिका सध्या 2-2 अशी बरोबरी केली आहे. शेवटचा सामना 19 जून रोजी बेंगळुरू येथील एम चिन्नास्वामी स्टेडियमवर खेळवला जाणारा आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
