दुबई : आयसीसीने (ICC) मंगळवारी प्रसिद्धी पत्राकाद्वारे डॅनियल व्हिटोरी आणि व्हीव्हीएस लक्ष्मण (VVS Laxman) यांची आयसीसी पुरूष क्रिकेट समितीवर (ICC Men's Cricket Committee) नियुक्ती केल्याची घोषणा करण्यात आली आहे. त्यांची करंट प्लेअर प्रतिनिधी श्रेणीतून नियुक्ती झाली आहे. तर रॉजर हार्पर यांची पास्ट प्लेअर प्रतिनिधी श्रेणीतून नियुक्ती करण्यात आली आहे. महेला जयवर्धने देखील या समितीवर निवडला गेला आहे.
दरम्यान, आयसीसी बोर्डाने पुढची आयसीसी चेअरमन (ICC Chairman) निवडण्याची प्रक्रिया सुरू करण्यास देखील परवानगी दिली आहे. ही प्रक्रिया नोव्हेंबर महिन्यात पूर्ण होईल. ही निवड बहुमताद्वारे करण्यात येणार आहे. नव्या आयसीसी चेअरमनचा कालावधी 1 डिसेंबर 2022 पासून 30 नोव्हेंबर 2024 पर्यंत असणार आहे.
आंतरराष्ट्रीय क्रिकेट काऊन्सिलने वर्ल्ड टेस्ट चॅम्पियनशिपची (World Test Championship) 2023 आणि 2025 ची फायनल ऐतिहासिक लॉर्ड्स क्रिकेट ग्राऊंडवरच (Lords Cricket Ground) खेळवण्यात येणार आहे. आयसीसीने (ICC) 'आंतरराष्ट्रीय बोर्ड ऑफ काऊन्सिलने आयसीसी टेस्ट चॅम्पियनशिपची 2023 आणि 2025 ची फायनल लॉर्ड्स क्रिकेट ग्राऊंडवर आयोजित करण्याला परवानगी दिली आहे.' असे प्रसिद्धी पत्रकात सांगितले. हे पत्रक आयसीसीने मंगळवारी प्रसिद्ध केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
