Weightlifter Mirabai Chanu : टोकियो ऑलिंपिकमध्ये रौप्यपदक जिंकणारी भारताची स्टार वेटलिफ्टर मीराबाई चानू आगामी आशियाई अजिंक्यपद स्पर्धेला मुकणार आहे. दुखापतीमधून अद्याप पूर्णपणे बरी झाली नसल्यामुळे तिने पुढल्या वर्षी (२०२४) फेब्रुवारी महिन्यात होणाऱ्या आशियाई अजिंक्यपद स्पर्धेमधून माघार घेतली आहे; मात्र थायलंड येथे होणाऱ्या विश्‍वकरंडकात ती सहभागी होईल.
मीराबाई चानू ४९ किलो वजनी गटात सहभागी होते, पण आशियाई अजिंक्यपद स्पर्धेमध्ये ती खेळणार नाही. याबाबत ती म्हणाली, आशियाई अजिंक्यपद स्पर्धेमध्ये मी सहभागी होणार नाही. विश्‍वकरंडकात मात्र निश्‍चित खेळणार आहे. तसेच सध्या दुखापतीमधून बरी होत आहे. त्यामुळे परदेशात जाण्याचा प्रश्‍नच निर्माण होत नाही. फेब्रुवारीत मात्र डॉ. ॲरोन होर्सशिग यांच्या मार्गदर्शनाखाली फिजिओथेरपी घेणार आहे.
नुकसान होणार नाही
मीराबाई चानू आशियाई अजिंक्यपद स्पर्धेत खेळणार नाही. त्यामुळे पॅरिस ऑलिंपिकमध्ये प्रवेश करण्याच्या तिच्या आशांना सुरुंग लागेल अशी शक्यता निर्माण झाली होती, पण मीराबाई चानू हिची ऑलिंपिक पात्रता क्रमवारी ही चांगली आहे. ती दुसऱ्या स्थानावर आहे. त्यामुळे आशियाई स्पर्धेमध्ये सहभागी न झाल्याने तिचे नुकसान होणार नाही.
या स्पर्धांमध्ये सहभाग अनिवार्य
पॅरिस ऑलिंपिकमध्ये पात्र ठरण्यासाठी वेटलिफ्टर्सना काही स्पर्धांमध्ये खेळणे अनिवार्य असणार आहे. ऑलिंपिकचे तिकीट बुक करण्यासाठी खेळाडूंना २०२३ मधील जागतिक अजिंक्यपद स्पर्धा, २०२४ मधील विश्‍वकरंडक, २०२२ मधील जागतिक अजिंक्यपद स्पर्धा, २०२३ व २०२४ मधील आंतरखंडीय स्पर्धा, २०२३ मधील ग्रँडप्रिक्स वन, ग्रँडप्रिक्स टू या स्पर्धांमध्ये सहभागी व्हावेच लागणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.