West Indies Vs India 1st ODI : भारताने पहिल्या वनडे सामन्यात वेस्ट इंडीजचा 5 फलंदाज राखून पराभव करत तीन सामन्यांच्या मालिकेत 1 - 0 अशी आघाडी घेतली. विंडीजने भारतासमोर विजयासाठी 115 धावांचे माफक आव्हान ठेवले होते. मात्र हे आव्हान पार करताना देखील भारताचा निम्मा संघ खर्ची पडला.
भारताकडून सलामीला संधी मिळालेल्या इशान किशनने 52 धावांची खेळी केली. तर रविंद्र जडेजाने नाबाद 16 धावा केल्या. रोहित शर्माने विजयी चौकार लगावत भारताला विजय मिळवून दिला. त्याने नाबाद 12 धावा केल्या. विंडीजकडून गुडाकेश मोतियेने सर्वाधिक 2 विकेट्स घेतल्या.
तत्पूर्वी, भारत आणि वेस्ट इंडीज यांच्यातील पहिल्या वनडे सामन्यात वेस्ट इंडीजने अत्यंत खराब फलंदाजी केली. विंडीजचा संपूर्ण संघ 23 षटकातच 114 धावा करत पॅव्हेलियनमध्ये परतला. भारताकडून रविंद्र जडेजा 3 आणि कुलदीप यादव यांना 4 बळी टिपले. तर हार्दिक पांड्या, मुकेश कुमार आणि शार्दुल ठाकूर यांनी प्रत्येकी 1 विकेट घेतली. विंडीजकडून कर्णधार शे होप शेवटपर्यंत झुंज देत होता. मात्र कुलदीप यादवने त्याची खेळी 43 धावांवर संपवली.
46 चेंडूत 52 धावा करणाऱ्या इशान किशनला सामना फिनिश करता आला नाही. विजयासाठी 21 धावांची गरज असताना तो बाद झाला. त्यानंतर आलेला शार्दुल ठाकूर देखील 1 धावेची भर घालून माघारी परतला. अखेर भारताचा कर्णधार रोहित शर्मा सातव्या क्रमांकावर फलंदाजी करण्यासाठी आला.
विंडीजचे 115 धावांचे आव्हान घेऊन मैदानात उतरलेल्या भारताला चौथ्या षटकातच पहिला धक्का बसला. इशान किशनसोबत सलामीला आलेला शुभमन गिल 7 धावा करून बाद झाला. त्यानंतर आलेला सूर्या देखील 19 धावांची भर घालून परतला. दरम्यान, इशान किशनने डावाची सूत्रे आपल्या हातात घेतली होती. मात्र हार्दिक पांड्या 5 धावांवर धावबाद झाला अन् भारताला तिसरा धक्का बसला.
रविंद्र जडेजाने आपल्या फिरकीच्या जाळ्यात विंडीजच्या मधल्या फळीला अलगद अडकवले. त्याने रोव्हमन पॉवल या आक्रमक फलंदाजाला स्लिपमध्ये रोहित शर्माकरवी झेलबाद केले.
50 धावांच्या आत आपले दोन फलंदाज गमावणाऱ्या वेस्ट इंडीजला शार्दुल ठाकूर आणि रविंद्र जडेजाने अजून दोन धक्के दिले. शार्दुलने सलामीवीर ब्रँडन किंगला 17 धावांवर तर रविंद्र जडेजाने शिमरॉन हेटमायरला 11 धावांवर बाद केले.
भारताचा पदार्पण करणारा वेगवान गोलंदाज मुकेश कुमारने वनडे क्रिकेटमध्येआपल्या विकेटचे खाते उघडले. त्याने अलिक अथनाजेला बाद करत विंडीजला दुसरा धक्का दिला.
हार्दिक पांड्याने विंडीजचा सलामीवीर कायल मेयर्सला 2 धावांवर बाद करत पहिला धक्का दिला.
पहिल्या वनडे सामन्यात भारताने नाणेफेक जिंकून प्रथम गोलंदाजी करण्याचा निर्णय घेतला आहे. भारताने आजच्या सामन्यात मुकेश कुमारला वनडे पदार्पणाची संधी देण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.