WI vs IND : संघाच्या लगेजचा झाला लोचा! दुसरा टी 20 सामना उशिरा होणार सुरू

West Indies vs India 2nd T20I : भारत आणि वेस्ट इंडीज यांच्यातील दुसरा टी 20 सामना उशिरा सुरू होणार आहे. हा सामना सेंट किट्सच्या वॉर्नर पार्कवर खेळवला जाणार होता. मात्र वेस्ट इंडीज क्रिकेट बोर्डाने एक प्रसिद्धीपत्रक काढून भारतीय वेळेनुसार रात्री 8 वाजता सुरू होणारा हा सामना आता रात्री 10 वाजता सुरू होणार आहे.

वेस्ट इंडीज क्रिकेट बोर्डाने प्रसिद्ध केलेल्या पत्राकानुसार 'क्रिकेट वेस्ट इंडीजच्या हात नसलेल्या गोष्टीमुळे भारत आणि वेस्ट इंडीज यांच्यातील दुसरा सामना उशिरा सुरू होणार आहे. संघाचे लगेज (Team Luggage) वेळेवर पोहचणार नसल्याने हा निर्णय घेण्यात आला आहे. त्यामुळे आजचा दुसरा सामना हा जमैकाच्या वेळेनुसार सकाळी 11.30 मिनिटांनी म्हणजे भारतात रात्रीच्या 10 वाजता सुरू होणार आहे. चाहते, प्रायोजक, प्रसारक आणि इतर सर्व सहकाऱ्यांच्या असुविधेसाठी क्रिकेट वेस्ट इंडीज खेद व्यक्त करते.

सामना उशिरा सुरू होणार असल्याने स्टेडियम स्थानिक वेळेनुसार सकाळी 11.00 वाजता खुलं होईल. याचबरोबर सामन्याची तिकिटे मैदानावरील तिटिक काऊंटरव उपलब्ध असतील. भारताने पाच टी 20 सामन्यांच्या मालिकेतील पहिला सामना 68 धावांनी जिंकून मालिकेत 1 - 0 अशी आघाडी घेतली आहे.