West Indies vs India 4th T20I : भारत आणि वेस्ट इंडीज यांच्यातील चौथ्या टी 20 सामन्यात भारताने विंडीजचा तब्बल 9 विकेट्स राखून पारभव केला. भारताने पाच सामन्यांच्या मालिकेत 2 - 2 अशी बरोबरी साधली. आता उद्या (दि. 13) होणाऱ्या पाचव्या सामन्यात मालिकेचा विजेता ठरणार आहे. यशस्वी जैसवाल (84) आणि शुभमन गिलने (77) 165 धावांची दमदार सलामी दिली.
शुभमन गिल आणि यशस्वी जैसवाल यांनी चांगल्या सुरूवाचीचे रूपांतर मोठ्या भागीदारीत केले. या दोघांनी 165 धावांची दमदार सलीमी दिली. मात्र गिल 46 चेंडूत 77 धावा करून शेफर्डच्या गोलंदाजीवर बाद झाला.
वेस्ट इंडीजने चौथ्या टी 20 सामन्यात भारतासमोर विजयासाठी 179 धावांचे आव्हान ठेवले होते. याच्या प्रत्युत्तरात भारताची युवा सलामी जोडी शुभमन गिल आणि यशस्वी जैसवाल यांनी 5 षटकात नाबाद 50 धावा चोपल्या.
होप बाद झाल्यानंतर शिमरॉन हेटमायरने विंडीजच्या डावाची सूत्रे आपल्या हातात घेत 35 चेंडूत अर्धशतकी खेळी केली. या अर्धशतकी खेळीच्या जोरावर विंडीजने आपली धावसंख्या 150 पार पोहचवली.
शाय होपने 29 चेंडूत 45 धावा चोपत हेटमायर सोबत 49 धावांची भागीदारी रचली होती. मात्र ही जोडी युझवेंद्र चहलने 13 व्या षटकात फोडली. त्याने होपला बाद करत विंडीजची अवस्था 5 बाद 106 धावा अशी केली.
विंडीजची अवस्था 4 बाद 57 अशी झाली असताना शाय होप आणि शिमरॉन हेटमायर यांनी पाचव्या विकेटसाठी 49 धावांची भागीदारी रचत संघाला 12 व्या षटकात शतक पार करून दिले.
पॉवर प्लेमध्येच अर्धशतकी मजल मारणाऱ्या विंडीजला पहिले दोन धक्के अर्शदीप सिंगने दिले होते. पॉवर प्ले संपल्यानंतर कुलदीप यादवने आपल्या फिरकीचा जलवा दाखवला. त्याने निकोलस पूरनला आणि कर्णधार रोव्हमन पॉवेलला प्रत्येकी 1 धावेवर बाद करत विंडीजची अवस्था 4 बाद 57 धावा अशी केली.
वेस्ट इंडीजने नाणेफेक जिंकून प्रथम फलंदाजी करत पॉवर प्लेमध्ये दमदार फलंदाजी केली. अर्शदीपने केयल मेयर्सला 17 धावांवर बाद केले. मात्र त्यानंतर ब्रँडन किंग आणि शाय होप यांनी संघाला अर्धशतकी मजल मारून दिली. अखेर पॉवर प्लेच्या शेवटच्या षटकात अर्शदीपने किंगला बाद करत विंडीजला दुसरा धक्का दिला.
वेस्ट इंडीजने चौथ्या टी 20 सामन्यात नाणेफेक जिंकून प्रथम फलंदाजी करण्याचा निर्णय घेतला आहे. हार्दिक पांड्याने तिसऱ्या सामन्यातील आपले विनिंग कॉम्बिनेशन बदलले नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.