WFI Chief Brij Bhushan Sharan Singh : उत्तर प्रदेशातील कैसरगंज येथील भाजप खासदार ब्रिजभूषण शरण सिंह यांच्या अडचणीत वाढ झाली आहे. दिल्ली पोलिसांनी दाखल केलेल्या आरोपपत्राने भाजप खासदाराच्या राजकीय कारकिर्दीवर प्रश्नचिन्ह निर्माण केले आहे. दिल्ली पोलीस 6 महिला कुस्तीपटूंनी केलेल्या लैंगिक छळाच्या आरोपांची चौकशी करत आहेत. या प्रकरणी पोलिसांनी न्यायालयात आरोपपत्र दाखल केले आहे.
आरोपपत्रात ब्रिजभूषण यांच्यावर करण्यात आलेल्या आरोपांच्या आधारे न्यायालयात खटला चालवण्याची शिफारस करण्यात आली आहे. यासोबतच कुस्तीपटूंच्या आरोपांच्या आधारे त्यांना शिक्षा व्हावी, असे आरोपपत्रात म्हटले आहे.
दिल्ली पोलिसांच्या आरोपपत्रावर भाजप खासदार आणि भारतीय कुस्ती महासंघाचे माजी अध्यक्ष यांची चौकशी करण्यात आली तेव्हा खासदाराचा संयम सुटला. सर्वप्रथम त्यांनी मीडियाच्या 'त्या' प्रश्नावर ब्रिजभूषण सिंह प्रचंड संतापले. त्यानंतर त्यांचा माईक तोडला. ब्रिजभूषण यांच्या या वागण्याने दिल्ली पोलीस आरोपपत्रामुळे पूर्णपणे संतप्त झाल्याचे सिद्ध झाले आहे.
दिल्ली पोलिसांच्या आरोपपत्रावर टाइम्स नाउच्या पत्रकाराने भाजप खासदाराला प्रश्न केला. त्यावेळी ते लखनौ विमानतळावर होते. दिल्ली पोलिसांच्या चार्जशीटवर काय बोलणार असा प्रश्न त्यांना विचारण्यात आला. या प्रश्नाने ब्रिजभूषण शरण सिंह चिडले. पत्रकाराच्या प्रश्नाला उत्तर देताना ते म्हणाले, शट अप...!
रिपोर्टर प्रश्न विचारत होते आणि ते पुढे जात होते. यानंतर ब्रिजभूषण यांचे म्हणणे घेण्यासाठी कारमध्ये जात असताना महिला पत्रकाराने माईक पुढे केला, त्यानंतर त्यांनी क्षणार्धात कारचा दरवाजा बंद केला. यामुळे पत्रकाराच्या हाताला दुखापत होऊन माईक खाली पडला आणि ब्रिजभूषण तेथून निघून गेले.
कोणत्या प्रश्नावर ब्रिजभूषण संतापले?
दिल्ली पोलिसांनी दाखल केलेल्या आरोपपत्रावर पत्रकाराने ब्रिजभूषण विमानतळावर आल्या प्रश्न विचारले. पत्रकाराने विचारले की दिल्ली पोलिसांनी तुमच्यावर वारंवार लैंगिक छळाचे आरोप केले आहेत. अशा परिस्थितीत तुम्ही राजीनामा द्याल का? या प्रश्नाला उत्तर देताना, राजीनामा का? पत्रकार म्हणाला, दिल्ली पोलिसांनी केस चालवण्याबाबत बोलले आहे. तुम्हाला ट्रायलला जावे लागेल.
या प्रश्नावर संतप्त झालेल्या ब्रिजभूषण यांनी पत्रकाराला गप्प राहण्याची सूचना केली. मग पुढे निघाले. सततच्या प्रश्नांमुळे ब्रिजभूषण यांचा संयम सुटला आणि पत्रकाराशी गैरवर्तन केले. ब्रिजभूषण शरण सिंह यांच्या विरोधात 6 महिला कुस्तीपटूंनी दाखल केलेल्या आरोपपत्राच्या प्रकरणामुळे भाजप खासदारांच्या अडचणी वाढल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
