Wi vs Ind 2nd Test : वेस्ट इंडिजविरुद्धच्या पहिल्या कसोटी सामन्यात पहिल्या विकेटसाठी 229 धावांची विक्रमी भागीदारी करणाऱ्या रोहित शर्मा आणि यशस्वी जैस्वाल या जोडीने दुसऱ्या कसोटीतही आपली लय कायम ठेवली. रोहित आणि यशस्वी या जोडीने मालिकेतील दुसऱ्या सामन्यात पहिल्या सत्रात 121 धावांची भागीदारी करून टीम इंडियाला चांगली सुरुवात करून दिली.
टीम इंडियाच्या डावाच्या 19व्या षटकात रोहितने रॉचला षटकार ठोकला आणि 74 चेंडूत आपले अर्धशतक पूर्ण केले. यादरम्यान यशस्वी 57 धावा करून बाद झाला, पण रोहित शर्माला दुसऱ्या टोकाकडून शतकाची आशा होती. पण तो 80 धावांवर क्लीन बोल्ड झाला.
स्पेनच्या खेळपट्टीवर गवत नव्हते आणि ते सपाट दिसत होते. नाणेफेक जिंकणारा कर्णधार प्रथम फलंदाजी करण्याचा निर्णय घेईल, अशी अपेक्षा होती. जसजसा सामना पुढे जाईल तसतसा या खेळपट्टीवर चेंडू वेगाने वळू शकतो.
10 व्या षटकात कर्णधाराने जोमेल वारिकनच्या रूपात एज स्पिनरला बोलावले. जोमेलचे काही बॉल टर्न झाले, पण लाईन-लेन्थ अचूक नव्हती तर त्याचा काही उपयोग झाला नाही. रोहितने त्याच्यावर जोरदार हल्ला चढवला, पण दरम्यान, 39व्या षटकात संघाची धावसंख्या 155 धावा असताना रोहितने खराब शॉट खेळला आणि वॉरिकनच्या चेंडूवर तो क्लीन बोल्ड झाला.
डॉमिनिका येथे खेळल्या गेलेल्या पहिल्या कसोटी सामन्यातही रोहितने 2023 मधील दुसरे शतक ठोकले. यापूर्वी फेब्रुवारीमध्ये त्याने ऑस्ट्रेलियाविरुद्ध 120 धावांची शानदार इनिंग खेळली होती. 2013 मध्ये वेस्ट इंडिजविरुद्ध पदार्पण मालिकेत रोहितने सलग दोन सामन्यांमध्ये दोन शतके ठोकले आहे. पुन्हा एकदा त्याला सलग दोन कसोटी शतके झळकावता आले असते. डॉमिनिका येथे खेळल्या गेलेल्या पहिल्या कसोटीत रोहितने शतक झळकावले. तो 103 धावा करून बाद झाला.
सामन्याबद्दल बोलायचे झाले तर, वेस्ट इंडिजचा कर्णधार क्रेग ब्रॅथवेटने नाणेफेक जिंकून प्रथम गोलंदाजी करण्याचा निर्णय घेतला. या खेळपट्टीवर रोहितला प्रथम फलंदाजी करायची होती आणि ती त्याला मिळाली. यशस्वीसोबत त्यांनी सकारात्मक सुरुवात केली. दोघांनी बॅक टू बॅक शतकी भागीदारी केली. पण लवकरच विंडीजने टीम इंडियाला तीन धक्के देत सामन्यात पुनरागमन केले. नंतर विराट कोहलीने जडेजासोबत आघाडी घेतली. पहिल्या दिवसाचा खेळ संपल्यानंतर भारताची धावसंख्या 288/4 झाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
