सबस्क्राईब करा
Shubman Gill Wi vs IND T20 : या वर्षाच्या सुरुवातीला भारतीय क्रिकेट संघासाठी दमदार कामगिरी करणाऱ्या शुभमन गिलला उगवता स्टार म्हटले जात होते. त्याचबरोबर वेस्ट इंडिज दौऱ्यावर या स्टारची चमक फिकी पडली आहे. आतापर्यंतचा हा दौरा त्याच्यांसाठी काही खास राहिला नाही.
या खेळाडूने कसोटी, एकदिवसीय आणि आता टी-20 या तिन्ही फॉरमॅटमध्ये आपल्या फलंदाजीने नाराज केले आहे. हे वर्ष एकदिवसीय आशिया कप आणि एकदिवसीय विश्वचषक स्पर्धेचे आहे, त्यामुळे या प्रतिभावान खेळाडूचा फॉर्म नसल्यामुळे टीम इंडियाची डोकेदुखी वाढलं आहे. सततचे प्रयोग आणि अनेक खेळाडूंना झालेल्या दुखापतीमुळे आधीच संघ अडचणीत आहे.
शुभमन गिलचा फॉर्म सध्या सुरू असलेल्या वेस्ट इंडिजविरुद्धच्या दौऱ्यातील तिसरा एकदिवसीय सामना वगळता सर्व सामन्यांमध्ये चर्चेचा विषय ठरला आहे. त्याने कसोटी मालिकेतील तीन डावात केवळ 45 धावा केल्या. त्यानंतर त्याने पहिल्या आणि दुसऱ्या वनडेत केवळ 7 आणि 34 धावांचे योगदान दिले. तिसर्‍या एकदिवसीय सामन्यात त्याच्या बॅटने निश्चितपणे 85 धावा काढल्या परंतु येथेही तो आपल्या डावाच्या शेवटी फिरकीविरुद्ध संघर्ष करताना दिसला.
त्यानंतर टी-20 मालिकेतील पहिल्या तीन सामन्यांमध्ये त्याला 3, 7 आणि 6 धावाच करता आल्या. यानंतर त्याच्या फलंदाजीवर अनेक प्रश्न उपस्थित केले जात आहेत. दुसरीकडे, एकदिवसीय मालिकेत इशान किशनने सलग तीन अर्धशतके झळकावून सलामीचा दावा मजबूत केला. अशा परिस्थितीत रोहित शर्माचे पुनरागमन झाल्यावर कोण सलामीला येणार असा प्रश्न उपस्थित होत आहे.
शुभमन गिलचा हा फॉर्म पाहून त्याला शारीरिक आणि मानसिक थकवा येत असल्याचे काही क्रिकेटपंडित सांगतात. आयपीएलमध्ये त्याची कामगिरी दमदार असली तरी त्याआधी ऑस्ट्रेलियाविरुद्धच्या एकदिवसीय मालिकेत तो काही विशेष करू शकला नाही. अशा स्थितीत त्याला विश्रांतीची गरज आहे का, असा प्रश्न पडतो.
विश्वचषकात शुभमन गिलची भूमिका महत्त्वाची असणार आहे. ही स्पर्धा भारतात होणार असून भारतीय भूमीवर त्याचा उत्कृष्ट विक्रम आहे. या स्थितीत आशिया चषकापूर्वी त्याला विश्रांतीची गरज आहे. तथापि, तो आयर्लंड मालिकेचा भाग नाही आणि आता 13 ऑगस्टनंतर, तो 2 सप्टेंबर रोजी आशिया कप मध्ये थेट पाकिस्तानविरुद्ध दिसू शकतो.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
