Women’s Asian Champions Trophy 2024: गतविजेत्या भारतीय महिला हॉकी संघाने साखळी फेरीतील पाचही लढतींमध्ये विजय संपादन करीत अगदी दिमाखात उपांत्य फेरीत प्रवेश केला. आता भारतीय महिला संघाला उद्या (ता. १९) होत असलेल्या अंतिम चार फेरीच्या लढतीत जपानचा सामना करावयाचा आहे.
याप्रसंगी भारतीय महिला संघ पाचव्यांदा या स्पर्धेची अंतिम फेरी गाठण्यासाठी प्रयत्न करताना दिसेल. जपानच्या संघालाही पाचव्या अंतिम फेरीचे वेध लागले आहेत. सध्याचा फॉर्म बघता भारतीय महिला संघाचे पारडे जड समजले जात आहे.
