World Athletics Championships 4x400m Relay Race Final : जागतिक अॅथलेटिक्स चॅम्पियनशिप 2023 मध्ये नीरज चोप्राने भालाफेकमध्ये भारतासाठी सुवर्णपदक जिंकले. मात्र पुरुषांच्या 4x400 मीटर रिले शर्यतीत पदक हुकले. यामध्ये टीम इंडिया पाचव्या स्थानावर राहिला.
भारतासाठी या शर्यतीत अमोज जेकब, राजेश रमेश, मोहम्मद अनास याहिया आणि मोहम्मद अजमल वरियाथोडी यांनी भाग घेतला. टीम इंडियाने ही शर्यत 2 मिनिटे 59.92 सेकंदात पूर्ण केली.
अमेरिकेने पुरुषांच्या 4x400 मीटर रिले शर्यतीत विश्वविक्रम नोंदवत सुवर्णपदक जिंकले. अमेरिकेने ही शर्यत 2 मिनिटे 57.31 सेकंदात पूर्ण केली. फ्रान्सने रौप्यपदक जिंकले. त्याने ही शर्यत 2 मिनिटे 58.45 सेकंदात पूर्ण केली. ब्रिटनने कांस्यपदक जिंकले. त्याने ही शर्यत 2 मिनिटे 58.71 सेकंदात पूर्ण केली. जमैकाचा संघ चौथ्या तर टीम इंडिया पाचव्या स्थानावर राहिला.
टीम इंडियाने 4x400 मीटर रिले शर्यतीच्या पात्रता फेरीत चांगली कामगिरी केली होती. भारतीय खेळाडूंनी इतिहास रचला आणि पहिल्यांदाच फायनलमध्ये प्रवेश केला. टीम इंडियाने या कालावधीत 2 मिनिटे आणि 59.05 सेकंद घेतले. यासोबत टीम इंडियाने आशियाई विक्रम मोडला होता.
अभिमानास्पद म्हणजे, नीरज चोप्राने भालाफेकमध्ये भारताला सुवर्णपदक मिळवून दिले. त्याने अंतिम फेरीत 88.17 मीटर अंतरापर्यंत भालाफेक केली. नीरजचा पहिला थ्रो फाऊल होता. पण दुसऱ्या थ्रोमध्ये त्याला यश आले. या स्पर्धेत पाकिस्तानचा अर्शद नदीमही सहभागी झाला होता. त्याने रौप्य पदक जिंकले. अर्शदने 87.82 मीटर अंतरापर्यंत भाला फेकला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
