World Cup 2023 Schedule : भारतात ऑक्टोबरमध्ये होणाऱ्या वनडे वर्ल्डकपला अवघे काही महिने शिल्लक आहेत. तरी देखील अजून वर्ल्डकपचे संपूर्ण वेळापत्रक जाहीर झालेले नाही. मात्र आता वर्ल्डकपचे वेळापत्रक कधी जाहीर होणार याची तारीख ठरली आहे. मंगळवारी 27 जूनला मुंबईतून वर्ल्डकप 2023 चे संपूर्ण वेळापत्रक जाहीर करण्यात येईल. ही तारीख खास आहे कारण इथून पुढे बरोबर 100 दिवसांनी भारतात होणारा वनडे वर्ल्डकप सुरू होईल. वर्ल्डकप येत्या 5 ऑक्टोबर पासून सुरू होणार आहे.
पाकिस्तान क्रिकेट बोर्ड आणि भारतीय क्रिकेट बोर्डामध्ये वर्ल्डकपमधील व्हेन्यूवरून वाद झाला होता. बीसीसीआयने आयसीसीकडे संभाव्य वेळापत्रक पाठवले होते. त्यावर आयसीसीने हरकती देखील मागवल्या होत्या.
मात्र पाकिस्तानने त्यावर आक्षेप घेत सुरक्षेच्या कारणास्तव अहमदाबादमधील भारताविरूद्धचा सामना दुसरीकडे खेळवण्याची मागणी केली होती. त्यामुळे हा सामना चेन्नईत खेळवला जाण्याची शक्यता आहे. यानंतर काही दिवसांनी पीसीबीने चेन्नईतील अफगाणिस्ताविरूद्धचा सामना देखील हलवण्याची मागणी केली. त्यामुळे अजून संभ्रम निर्माण झाला.
मिळालेल्या माहितीनुसार आयसीसी आणि बीसीसीआयने देखील पाकिस्तानची ही मागणी धुडकावून लावली आहे. यानंतरही पाकिस्तानची नाटकं कमी झाली नाहीत. पीसीबीचे तत्कालीन चेअरमन नजम सेठी यांनी पाकिस्तानचा संघ भारतात होणाऱ्या वर्ल्डकपमध्ये खेळणार की नाही हे ठरवणे आमच्या हातात नसून याबाबतचा निर्णय पाकिस्तानचे सरकार घेणार असे म्हणत पुन्हा एकदा खोडा घालण्याचा प्रयत्न केला.
आता मात्र आयसीसीने पीसीबीची अवास्तव मागणी धुडकावली आहे. त्यामुळे पीसीबीकडून क्लिअरन्स आला की लगेचच आयसीसी वनडे वर्ल्डकपचे वेळापत्रक जाहीर करतील. याची तारीख 27 जून अशी ठरली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
