Chess World Cup 2023 : कार्लसनच ठरला 64 घरांचा राजा; मात्र 18 वर्षाच्या प्रग्नानंदने चांगलेच झुंजवले

Chess World Cup 2023 Final : जागतिक क्रमवारीत अव्वल स्थानावर असलेल्या मॅग्नस कार्लसनने 18 वर्षाच्या प्रग्नानंदचा रॅपिड फायरच्या पहिल्या गेममध्ये पराभूत करत वर्ल्डकपवर नाव कोरले. कार्लसनने पहिल्यांदाच वर्ल्डकपवर नाव कोरले. विशेष म्हणजे कार्लसनने पहिल्यांदाच वर्ल्डकपवर नाव कोरले. (Magnus Carlsen Defeat R Pragganandhaa)

भारताच्या प्रग्नानंदसाठी यंदाचा वर्ल्डकप हा खूप चांगला गेला. त्याने जागतिक क्रमवारीत दुसऱ्या स्थानावर असलेल्या हिकारू नाकामुरा आणि तिसऱ्या क्रमांकावर असलेल्या फॅबिआनो कारुआनाचा पराभव केला होता. प्रग्नानंदने कार्लसनला देखील पहिले दोन क्लासिक गेम ड्रॉ करत कडवी झुंज दिली होती.

मात्र टाय ब्रेकरमध्ये कार्लसनने पहिला गेम जिंकला आणि दुसरा गेम ड्रॉ केली. यामुळे कार्लसनचा 1.5 - 0.5 असा विजय झाला.

बुद्धीबळ विश्वचषक 2023 मधील टाय ब्रेकर सामन्यात प्रग्नानंदने आक्रमक चाली रचत धडाक्यात सुरूवात केली. मात्र पिछाडीवर पडलेल्या कार्लसनने आपला अनुभव पणाला लावला. 25 मिनिटाच्या पहिल्या गेममध्ये दोन्ही खेळाडूंनी आपले वजीर गमावला होता. प्रग्नानंद 19 मिनिटांपर्यंत पोहचला होता तर कार्लसन हा 14 मिनिटापर्यंत होता. कार्लसन हा पिछाडवीर गेला होता. यानंतर दोघांनीही 18 व्या चालीनंतर आपली क्वीन गमावली.

प्रग्नानंदने 25 व्या चालीपर्यंत आपली स्थिती सुधारली होती. आता त्यांच्याकडे फक्त 5 मिनिटे शिल्लक होती. पहिला टाय ब्रेकर गेम हा खूप टाईट झाला. 34 व्या चालीनंतर दोघांनीही आपला हत्ती गमावला होता. प्रग्नानंदच्या हातून वेळ निसटून चालली होती. अखेर पहिला रॅपिड गेम कार्लसनने जिंकला.

दुसऱ्या गेममध्ये दोघांनीही आक्रमक चाली रचल्या. दोघांचेही 10 चालीनंतर आपले घोडे गमावले होते. 14 व्या चालीपर्यंत कार्लसन चांगल्या स्थितीत होता. त्यानंतर दोघांनीही 18 व्या चालीत आपापल्या क्वीन गमावल्या. अखेर दुसरा गेम ड्रॉ झाला. कार्लसनने पहिल्यांदाच वर्ल्डकपवर आपले नाव करत 18 वर्षाच्या प्रग्नानंदची झुंज 1.5 - 0.5 अशी मोडून काढली.

(Sports Latest News)