चेंगडू (चीन) : भारतीय महिला खेळाडूंचे जागतिक टेबल टेनिस अजिंक्यपद स्पर्धेतील आव्हान बुधवारी संपुष्टात आले. चीन तैपई संघाकडून भारताला ३-० असे पराभूत व्हावे लागले. त्यामुळे भारतीय महिला संघ उपउपांत्यपूर्व फेरीतच गारद झाला.
मनिका बत्रा हिला या स्पर्धेमध्ये सूर गवसला नाही. चेन झू यू हिच्याकडून मनिका हिला ११-७, ११-९, ११-३ (३-०) असे पराभूत व्हावे लागले. त्यानंतर बर्मिंगहॅम राष्ट्रकुल क्रीडा स्पर्धेतील टेबल टेनिस खेळातील मिश्र गटात सुवर्णपदक पटकावणारी श्रीजा अकुला हिलाही अव्वल दर्जाचा खेळ करता आला नाही. चेंग चिंग हिने अकुला हिच्यावर ११-८, ५-११, ११-६, ११-९ (३-१) असा विजय साकारला. दिया चितळे हिने अखेरच्या लढतीत कडवी झुंज दिली, पण तिला काही विजय मिळवता आला नाही. लिऊ यीन हिने दियाचे कडवे आव्हान ११-६, ९-११, ९-११, ११-८, ११-७ (३-२) असे परतवून लावले.
आता मदार पुरुषांवर
यामध्ये भारताची मदार पुरुषांवर असणार आहे. भारताचा पुरुषांचा संघ उपउपांत्यपूर्व लढत उद्या खेळणार आहे. या वेळी भारतीय पुरुष संघासमोर चीनचे आव्हान असणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.