WFI withdraws India from World Championship : भारतातील कुस्ती या खेळाशी संबंधित असलेला वाद मिटता मिटेना. भारतीय कुस्ती संघटनेच्या कामकाजात केंद्रीय क्रीडा मंत्रालयाचा हस्तक्षेप असल्याचे कारण पुढे करीत भारतीय कुस्ती संघटनेने अल्बानिया येथे २८ ऑक्टोबरपासून सुरू होत असलेल्या जागतिक अजिंक्यपद स्पर्धेमधून माघार घेतली आहे.
अल्बानिया येथे २८ ऑक्टोबरपासून वरिष्ठांच्या जागतिक अजिंक्यपद स्पर्धेला सुरुवात होत आहे. या स्पर्धेमध्ये ऑलिंपिकमध्ये नसलेल्या १२ प्रकारांचा समावेश असणार आहे. भारतीय कुस्ती संघटनेकडून जागतिक अजिंक्यपद स्पर्धा व २३ वर्षांखालील स्पर्धा या दोन्हीसाठी निवड चाचणीचे आयोजन करण्यात आले होते.
