Wriddhiman Saha : टीम इंडिया सध्या 1 महिन्याच्या विश्रांतीवर आहे, त्यानंतर टीम 12 जुलैपासून वेस्ट इंडिज दौऱ्यावर जाणार आहे. विंडीज दौऱ्यावर टीम इंडियाला कसोटी सोबतच एकदिवसीय आणि टी-20 मालिका खेळायची आहे. या दौऱ्याची सुरुवात कसोटी मालिकेने होईल.
12 ते 16 जुलै दरम्यान पहिली कसोटी तर 20 ते 24 जुलै दरम्यान दुसरी कसोटी खेळल्या जाणार आहे. याआधीही टीम इंडियाचा यष्टिरक्षक फलंदाज वृद्धिमान साहाने अचानक मोठा निर्णय घेतला आहे.
भारतीय क्रिकेटच्या देशांतर्गत हंगामाची सुरुवात 28 जूनपासून दुलीप ट्रॉफीने होणार आहे. या संदर्भात एक मोठी बातमी समोर आली आहे. वृद्धिमान साहाने या स्पर्धेत खेळण्यास नकार दिला आहे.
पीटीआयच्या वृत्तानुसार, ईशान किशनला पूर्वी पूर्व विभागीय संघात सामील करण्याचा निर्णय घेण्यात आला होता, परंतु वेस्ट इंडिज दौऱ्यामुळे त्याने आपले नाव मागे घेतले. यानंतर वृद्धिमान साहाला याबाबत विचारण्यात आले, मात्र त्याने स्पष्ट नकार दिला. यामागचे कारणही त्यांनी दिले आहे.
वृद्धिमान साहानेने आपल्या या निर्णयामागचे कारण सांगितले की, दुलीप ट्रॉफी युवा खेळाडूंसाठी आहे. मी जर त्याचा एक भाग असलो तर कोणत्या तरी युवा खेळाडूची खेळण्याची संधी जाईल. पूर्व विभागीय संघासाठी निवडकर्त्यांनी युवा यष्टीरक्षक फलंदाज अभिषेक पोरेलची निवड केली आहे, जो आयपीएल 2023 मध्ये खेळला आहे.
अनेक दिग्गज क्रिकेटपटूंनी नुकत्याच झालेल्या वर्ल्ड टेस्ट चॅम्पियनशिप 2023 च्या फायनलमध्ये वृद्धिमान साहाला संघात समाविष्ट करण्याचे मत व्यक्त केले होते. मात्र निवडकर्त्यांनी केएस भरत आणि इशान किशन यांचा संघात समावेश केला. तर या सामन्यात केएस भरतला प्लेइंग-11 मध्ये संधी मिळाली.
या सामन्यात टीम इंडियाला ऑस्ट्रेलियाकडून 209 धावांनी मानहानीकारक पराभव स्वीकारावा लागला. टीम इंडियाची सलग दुसऱ्यांदा टेस्ट चॅम्पियन बनण्याची संधी हुकली. यासह संघाचे आयसीसी ट्रॉफी जिंकण्याचे स्वप्न पुन्हा एकदा भंगले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
