Yashasvi Jaiswal : भारतीय पुरूष क्रिकेट संघातील सलामीवीर यशस्वी जैसवालने एशियन गेम्समधील आपल्या पहिल्याच सामन्यात शतकी तडाखा दिला. तो भारताकडून एशियन गेम्समध्ये शतक ठोकणारा पहिला फलंदाज ठरला आहे. भारतीय पुरूष क्रिकेट संघ पहिल्यांदाच एशियन गेम्समध्ये सहभागी झाला आहे. त्यात पहिल्याच सामन्यात यशस्वी जैसवालने 48 चेंडूत अर्धशतकी खेळी केली.
भारताचा सलामीवीर यशस्वी जैसवालने एशियन गेम्समधील आपल्या पहिल्याच सामन्यात नेपाळच्या गोलंदाजांचा चांगलाच समाचार घेतला. त्याने संथ खेळपट्टीवर नवीन चेंडूचा पुरेपूर फायदा उचलला. ऋतुराजसोबत त्याने पॉवर प्लेमध्ये जवळपास 10 च्या सरासरीने धावा ठोकल्या. त्याने 22 चेंडूत अर्धशतकी खेळी केली. यानंतर पुढच्या 26 चेंडूत आपले शतक देखील पूर्ण केले.
यशस्वीने आपल्या शतकी खेळीत 7 षटकार आणि 8 चौकार मारत 15 चेंडूतच 74 धावा केल्या. मात्र यशस्वीला साथ देणाऱ्या फलंदाजांना फारशी चमक दाखवता आली नाही. ऋतुराज 25 धावा करून बाद झाला. तर तिलक वर्मा 2 आणि जितेश शर्मा 5 धावाच करू शकला.
मात्र यशस्वी जैसवाल 49 चेंडूत 100 धावा करून बाद झाल्यानंतर स्लॉग ओव्हरमध्ये शिवम दुबे आणि रिंकू सिंहने तडाखेबाज फलंदाजी करत भारताला 20 षटकात 4 बाद 202 धावांपर्यंत पोहचवले. रिंकू सिंहने 15 चेंडूत 37 तर शिवम दुबेने 19 चेंडूत 25 धावा केल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
