IND vs WI 2nd test Yashasvi Jaiswal : भारत आणि वेस्ट इंडीज यांच्यातील दुसरा कसोटी सामना आतपासून त्रिनिदाद येथे होत आहे. पहिल्या कसोटी सामन्यात भारताचा सलामीवीर यशस्वी जैसवालने पदार्पणातच 171 धावांची तुफानी खेळी करत भारताच्या विजयात मोठा वाटा उचलला होता. रोहित शर्माने (Rohit Sharma) देखील 103 धावांची शतकी खेळी करत यशस्वीच्या साथीने 229 धावांची सलामी दिली होती.
आता दुसऱ्या कसोटी देखील त्याच्याकडून शतकाची अपेक्षा केली जात आहे. जर डावखुरा यशस्वी जैसवाल जर असा कारनामा करण्यात यशस्वी झाला तर तो भारताचा कर्णधार रोहित शर्माशी बरोबरी करले. भारताचा कर्णधार रोहित शर्माने देखील आपली कसोटी कारकीर्द ही वेस्ट इंडीजविरूद्धच केली होती. (Yashasvi Jaiswal News)
त्याने 2013 मध्ये भारतात वेस्ट इंडीज विरूद्ध झालेल्या पदार्पणाच्या कसोटी मालिकेत सलग दोन शतके ठोकली होती. आता 10 वर्षानी अशीच संधी यशस्वी जैसवालकडे देखील आहे. त्याने पहिल्या कसोटीत 171 धावांची मोठी खेळी केली होती. त्याची धावांची भूक आणि लय पाहता तो दुसऱ्या कसोटीत देखील शतकी खेळी करेल अशी आशा आहे.
मोहम्मद अजहरूद्दीन, गांगुली अन् रोहितच्या पंक्तीत बसण्याची यशस्वीला संधी
भारताकडून पदार्पणाच्या कसोटी मालिकेत पाठोपाठ दोन शतके ठोकण्याची किमया पहिल्यांदा मोहम्मद अजहरूद्दीनने केली होती. त्याने 1984 - 85 मध्ये इंग्लंडविरूद्ध मायदेशात झालेल्या कसोटी मालिकेत पाठोपाठ दोन शतके ठोकली होती. यानंतर सौरव गांगुलीने देखील 1996 च्या इंग्लंड दौऱ्यावर आपल्या पदार्पणाच्या कसोटीत सलग दोन शतके ठोकली होती.
यानंतर 2013 मध्ये रोहित शर्माने वेस्ट इंडीज विरूद्ध पदार्पणाच्या कसोटी मालिकेत सलग दोन शतके ठोकली होती. जर यशस्वी जैसवाल आजपासून सुरू होणाऱ्या दुसऱ्या कसोटीत शतकी खेळी केली तर तो देखील या दिग्गजांच्या पंक्तीत जाऊन बसू शकले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.