Flash Back 2022 Google Top 10 Search : पृथ्वीतलावरील सर्वात मोठा इव्हेंट म्हणून जर कोणती स्पर्धा ओळखली जात असेल तर ती आहे फिफा वर्ल्डकप. 2022 च्या डिसेंबर महिन्यात संपूर्ण जग टीव्हीसमोर बसून फिफा वर्ल्डकप पाहत होते. फिफा वर्ल्डकपमध्ये 32 देश सहभागी झाले होते. मेस्सी, रोनाल्डोचा हा शेवटचा वर्ल्डकप मानला जात होता. त्यामुळे वर्ल्डकपमध्ये न खेळणारे मात्र मेस्सी आणि रोनाल्डोचे फॅन्स असलेले चाहते देखील फिफा वर्ल्डकप आवडीने पाहत होते. मात्र जरी फिफा वर्ल्डकप हा जगातील सर्वात मोठा इव्हेंट म्हणून गणला जात असला तरी गुगलवर लोकांनी इंडियन प्रीमियर लीगच सर्वाधिक सर्च केली गेली.
गुगलने 2022 मध्ये लोकांनी कोणकोणत्या गोष्टी सर्वाधिक सर्च केल्या याची यादी प्रसिद्ध केली आहे. या यादीत सर्वाधिक सर्च झालेल्या स्पोट्स इव्हेंटमध्ये इंडियन प्रीमियर लीग (IPL) पहिल्या क्रमांकावर आहे. यानंतर नुकताच झालेला फिफा वर्ल्डकप दुसऱ्या स्थानावर आहे. तर आशिया कप तिसऱ्या स्थानावर आहे. ऑस्ट्रेलियात झालेला आयसीसी टी20 वर्ल्डकप हा चौथ्या तर राष्ट्रकुल स्पर्धा पाचव्या स्थानावर आहे. विशेष म्हणजे पहिल्या पाच क्रमांकावर तीन क्रिकेट संदर्भातील स्पोर्ट्स इव्हेंट आहेत.
गुगलवर 2022 मध्ये सर्वाधिक सर्च झालेले Sports events
1) इंडियन प्रीमियर लीग
2) फिफा वर्ल्डकप
3) आशिया कप
4) आयसीसी टी 20 वर्ल्डकप
5) राष्टकुल स्पर्धा
6) इंडीयन सुपर लीग
7) प्रो कबड्डी
8) आयसीसी महिला क्रिकेट वर्ल्डकप
9) ऑस्ट्रेलियन ओपन
10) विम्बल्डन
2022 ठरले स्पोर्टिंग वर्ष, IPL, FIFA च गुगलवर सर्वाधिक सर्च
याचबरोबर गुगलवर 2022 मध्ये सर्वाधिक सर्च केल्या गेलेल्या सर्वसाधारण गोष्टींमध्ये देखील आयपीएलनेच बाजी मारली आहे. याचबरोबर 2022 मधील टॉप टेन सर्चेसमध्ये फिफा वर्ल्डकप (3), आशिया कप (4), टी 20 वर्ल्डकप (5), राष्टकुल स्पर्धा (8), इंडियन सुपर लीग (10) या 5 क्रीडा स्पर्धांचा देखील समावेश आहे.
Searches
1) इंडियन प्रीमियर लीग
2) कोविन
3) फिफा वर्ल्डकप
4) आशिया कप
5) आयसीसी टी 20 वर्ल्डकप
6) ब्रम्हास्त्र भाग पहिला - शिवा
7) इ - श्रम कार्ड
8) राष्ट्रकुल स्पर्धा
9) केजीएफ - चाप्टर 2
10) इंडियन सुपर लीग
हेही वाचा : असं एक गाव, जिथं जमिनीला कान लावला तरी संगीत ऐकू येतं...
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
