Yuzvendra Chahal to play in County Championship : भारतीय क्रिकेट नियामक मंडळाने आशिया कप 2023 दरम्यान वर्ल्ड कपसाठी भारतीय संघांची घोषणा केली आहे. 5 सप्टेंबर रोजी कर्णधार रोहित शर्मा आणि मुख्य निवडकर्ता अजित आगरकर यांनी पत्रकार परिषदेत वर्ल्ड कप स्पर्धेत खेळणाऱ्या 15 खेळाडूंचा खुलासा केला. हा संघ जवळपास आशिया कप संघासारखाच होता.
या संघात केवळ युवा तिलक वर्मा आणि प्रसिद्ध कृष्णा यांचा समावेश केला नाही. टीम इंडियाचा अनुभवी लेगस्पिनर युजवेंद्र चहलला पुन्हा एकदा संघातून वगळण्यात आले. चहलच्या जागी त्याचा मित्र कुलदीप यादवला पसंती देण्यात आली. मात्र, आता वर्ल्ड कप संघात निवड न झाल्याने चहल प्रथमच कौंटी क्रिकेट खेळताना दिसणार आहे.
टाईम्स ऑफ इंडियाने दिलेल्या वृत्तानुसार, लेग-स्पिनर युझवेंद्र चहल कौंटी क्रिकेटमध्ये केंटकडून खेळणार आहे. चहल प्रथमच काऊंटी क्रिकेटमध्ये खेळताना दिसणार आहे.
बीसीसीआयच्या सूत्रांनी सांगितले की, 'केंट काउंटी क्रिकेट क्लब याबाबत लवकरच अधिकृत घोषणा करेल. चहल त्यांच्यासाठी तीन ते चार वनडे खेळणार आहे. बीसीसीआयने त्याला काउंटी क्रिकेट खेळण्यासाठी एनओसी दिली आहे. भारतीय संघाला त्याची गरज भासल्यास चहल लगेच संघात सामील होईल.
चहलने 2023 मध्ये फक्त 2 एकदिवसीय सामने खेळले असून 3 विकेट्स घेतल्या आहेत. 33 वर्षीय खेळाडूने 72 एकदिवसीय सामन्यांमध्ये 121 विकेट्स आणि 80 टी-20 मध्ये 96 विकेट घेतल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
