Heath Streak Passed Away : झिम्बाब्वेचा माजी क्रिकेटपटू हीथ स्ट्रीक यांचे 3 सप्टेंबरच्या पहाटे निधन झाले आहे. यावेळी त्यांच्या कुटुंबीयांनी या वृत्ताला दुजोरा दिला आहे. त्याच्या पत्नीने फेसबुकवर एक भावनिक पोस्ट लिहिली आणि काही फोटो पोस्ट केले आहेत.
हीथ स्ट्रीकची पत्नी नादिनने पतीच्या निधनानंतर एक भावनिक पोस्ट लिहिली आणि म्हणाली की, आज पहाटे रविवार 3 सप्टेंबर 2023, माझ्या आयुष्यातील प्रेम आणि माझ्या सुंदर मुलांचे वडील आम्हा सर्वांना सोडून गेले.
तिने पुढे लिहिले की, त्याला आपले शेवटचे दिवस आमच्यासोबत घालवायचे होते. कुटुंबाकडून प्रेम हवे होते. अनंतकाळच्या प्रवासासाठी आपण पुन्हा कधीतरी भेटू. हेन्री ओलांगाच्या एका ट्विटमुळे अलीकडे हीथ स्ट्रीकच्या मृत्यूची अफवा सोशल मीडियावर पसरली होती. यानंतर स्ट्रीकने या अफवांचे खंडन केले आणि सांगितले की तो जिवंत आहे. अफवा पसरवणाऱ्यांनी त्याला दुखावले आहे.
हीथने नोव्हेंबर 1993 मध्ये आंतरराष्ट्रीय पदार्पण केले. 65 कसोटी आणि 189 एकदिवसीय सामन्यांमध्ये झिम्बाब्वेचे प्रतिनिधित्व केले. त्याच्या नावावर कसोटीत 1990 आणि एकदिवसीय सामन्यात 2943 धावा आहेत. याशिवाय हीथने कसोटीत 216 आणि एकदिवसीय सामन्यात 239 विकेट्स घेतल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
