Ajay Atul Home : शिरूरमध्ये लहानपण घालवलं आज शाहरुख, सलमानपेक्षा काही कमी नाही अजय-अतुलचं घर, पहा आलिशान फोटो

Brother's Day Special Story : लोकप्रिय संगीतकार आणि भाऊ अजय आणि अतुल गोगावले यांना कोण ओळखत नाही. हिंदी आणि मराठी दोन्हीही सिनेसृष्टीला आपल्या संगीताने या भावांच्या जोडगोळीने वेड लावलं आहे. त्यांच्या विषयी अनेक गोष्टी जाणून घेण्याची चाहत्यांची इच्छा असते.

आपलं घर खास असावं असं प्रत्येकाचंच स्वप्न असतं. आणि असंच आपल्या स्वप्नातल्या घराला अजय-अतुलने सत्यात उतरवलं आहे. त्यांच्या या आलिशान घराला पाहण्यासाठी शाहरुख, सलमानच्या घरा प्रमाणे यांच्या घराच्या फोटोंनाही चाहत्यांची पसंती मिळत आहे.

प्रत्येकच जण आपलं स्वप्नातलं घर सत्यात उतरवण्यासाठी सतत झटत असतो, प्रयत्न करत असतो. त्याला ही कलाकार मंडळीही अपवाद नसतात. आपला आवडता कलाकार राहतो कसा, घर कसं आहे, घरात काय काय आहे हे जाणून घेण्यात चाहत्यांना फार रस असतो.

तसे बऱ्याच हिंदी, मराठी सिनेसृष्टीतल्या कलाकारांच्या घरांचे फोटो अनेकदा समोर येतात. पण अजय-अतुलच्या घराच्या या फोटोंनी सोशल मीडियावर चाहत्यांची भरपूर पसंती आणि दाद मिळवली आहे. पुण्याच्या या मध्यम वर्गिय भावांनी मोठ्या प्रयत्नांनी सिनेसृष्टीत आपली वेगळी ओळख आणि स्थान निर्माण केलं आहे.

या दोघं भावांनी पुण्यातील बाणेरमध्ये आपले हे आलिशान घर उभारले आहे. तीन बेडरूम, लिव्हींग एरीया, किचन तसंच एक साउंड स्टुडिओही त्यांनी बनवून घेतला आहे.

घराचे इंटेरीयर अगदी खास पद्धतीने करण्यात आले आहे. इंटेरियर डिझायनर संदिप खाटपे यांनी अजय-अतुलच्या घराचे इंटेरियर डिझायनिंग केले आहे.

घराचा प्रत्येक कोपरा सजवण्यासाठी बरीच मेहनत घेतलेली दिसून येते. त्यामुळे कोणाचंही लक्ष सहज वेधून घेईल असंच हे घर आहे.