Akhad Special Wine Fact : फ्रिजरमध्ये ठेवूनही वाईन कधी गोठत नाही; का, माहितीये?

Wine Naver Freeze Reason In Marathi : गटारी अमावस्या दोन दिवसांवर आली आहे. त्यामुळे मद्यप्रेमी, आखाड प्रेमी अशा सर्वांचेच आखाड पार्टीचे प्लॅनिंग जोरदार असेल. हल्ली पार्टी म्हटली की, दारू शिवाय ती पूर्ण होऊ शकत नाही. मग ती पार्टी आनंदात असो किंवा दुःखात किंवा हँगआऊट असो. फार कमी लोक असतात जे दारू पित नाहीत.

पण एक वर्ग असाही आहे जे इतर कोणताही मद्यप्रकार घेत नाहीत. पण वाईन मात्र घेतात. त्यांचं म्हणणं असतं की, वाईन मध्ये फार अल्कोहल नसतं. पण हा मात्र गैर समज आहे. वाईन मध्ये जास्त मात्रेत अल्कोहल असतं असं काही जाणकारांचं मत आहे.

शिवाय ही गोष्ट पण अनेकांना माहित नसते की, वाईन थंड ठिकाणी सुद्धा गोठत नाही. अगदी थंड प्रदेशातही घेऊन गेलात तरी ती गोठत नाही. किंवा अगदी डीप फ्रिजमध्ये ठेवलं तरी ते गोठत नाही.

कोणताही द्रव पदार्थ फ्रिजरमध्ये ठेवला की, गोठतो. पण मग वाईनच का गोठत नाही? त्यात असे कोणते घटत असतात? याविषयीचं विज्ञान काय आहे जाणून घेऊया.

कोणताही द्रव पदार्थाचे गोठणे त्याच्या वेगवेगळ्या घटकांवर अवलंबून असते. विशेषतः अल्कोहोलमध्ये अनेक सेंद्रिय रेणू असतात जे त्याला गोठू देत नाहीत.

द्रव गोठते कसे?

प्रत्येक द्रवात त्याच्या आत एक ऊर्जा असते. ती सभोवतालच्या तापमानावर अवलंबून असते. जेव्हा द्रवाच्या सभोवतालचे तापमान कमी होते तेव्हा त्याची आंतरीक ऊर्जा देखील कमी होते. जेव्हा ती शून्यावर पोहचते तेव्हा ते एकमेकांपासून काही अंतरावर असणारे रेणू एकमेकांना चिकटतात. ज्यामुळे त्यांचे घन म्हणजेच सॉलीडमध्ये रुपांतर होते.

फ्रीजींग पॉइंटवर जर वाईन गोठवायची असेल तर ती ११४ डिग्री सेंटीग्रेडपेक्षा कमी तापमानात ठेवावी लागेल. जर तुम्ही विचार करत असाल की, पाणी आणि अल्कोहोल दोन्ही द्रव पदार्थ असूनही गोठणबिंदूमध्ये एवढा फरक कसा? पण पदार्थ गोठण्याचा बिंदू त्यांच्या रेणूंवर अवलंबून असतो.

घरगुती वापरासाठी वापरल्या जाणाऱ्या फ्रीजचं तापमान ० ते ३ अंश सेल्सिअस असते. डीप फ्रीजरचं तापणान -१० ते -३० अंश सेल्सिअस असतं. त्यामुळे फ्रीजरमध्ये अल्कोहोल कधीही गोठत नाही. जर वाईन गोठवायची असेल तर -११४ अंश सेल्सिअसला जाईल असं फ्रीज आणावं लागेल. पण असा फ्रीज अजून बनलेला नाही.