Anant and radhika Wedding : बाबो! अनंत राधिकाच्या लग्नात होणार इतका खर्च, लग्न दणक्यात पडणार पार

Anant and radhika Wedding :

उद्योगपती मुकेश अंबानी यांचा मुलगा अनंत अंबानी आणि राधिका मर्चेंट यांचे प्री-वेडिंग फंक्शन जामनगर येथे मार्च महिन्यात पार पडले. तेव्हापासून त्यांच्या लग्नाची उत्सुकता लागली आहे. या दोघांचे लग्न मुंबईमध्ये होणार आहे. लग्नाची तारीख, खर्च या सर्वांबाबतीत काही माहिती समोर आली आहे.

अनंत अंबानी आणि राधिका यांचा लग्न सोहळा मुंबईत १२ जुलै रोजी बीकेसी येथील जिओ वर्ल्ड कन्व्हेन्शन सेंटरमध्ये पार पडणार आहे. अनंत अंबानी आणि राधिका हे पारंपारिक हिंदू वैदिक पद्धतीने लग्न करणार आहेत.

अनंत आणि राधिका यांचा विवाह सोहळा शुक्रवार, १२ जुलै रोजी होणार आहे. त्यानंतर शनिवार, १३ जुलै रोजी हा शुभ आशीर्वादाचा कार्यक्रम पार पडणार आहे. तर रविवार, १४ जुलै रोजी मंगल उत्सव सोहळा असणार आहे.

मुकेश आणि नीता अंबानी यांचा धाकटा मुलगा अनंत आणि राधिकाच्या १ ते ३ मार्च या कालावधीत झालेल्या या प्री-वेडिंग सेलिब्रेशनमध्ये देशभरातील आणि जगभरातील नामांकित व्यक्ती सहभागी झाल्या होत्या. या तीन दिवसांच्या कार्यक्रमावर अंदाजे १,२६० कोटी रुपये खर्च करण्यात आले होते.

या लग्नाला किती खर्च येईल

मीडिया रिपोर्ट्सनुसार, आता लग्नाचा खर्चही हा आकडा पार करेल, असे मानले जात आहे. अनंत-राधिकाच्या लग्नात तब्बल १२०० ते १५०० कोटी खर्च करण्यात येतील असा अंदाज वर्तवला जात आहे.

तीन दिवसांच्या कार्यक्रमावर एकूण अंदाजे खर्च १,२६० कोटी रुपये होणार आहे. यातील मोठा हिस्सा केटरिंगमध्ये गेला. साधारण, २०० कोटी रुपये फक्त केटरिंगसाठी खर्च केले आहेत.

मुकेश अंबानी हे आशियातील सर्वात श्रीमंत व्यक्ती आहेत. त्यांची संपत्ती ११६अब्ज डॉलर्सपेक्षा जास्त आहे. लग्नासाठी १५०० कोटी रुपये खर्च होऊ शकतो असा अंदाज आहे. भारतात होणारं हे सर्वा महागडं लग्न असेल,अशी चर्चा रंगली आहे.