Ashadhi Wari 2024 :  संत ज्ञानेश्वर माऊली पालखी प्रस्थान; २५ वर्षाच्या प्रतिक्षेनंतर कुऱ्हाडे कुटुबांच्या हौश्या अन् बाजीला मिळाला मान

Sant Dnyaneshwar Maharaj Palkhi :

संत ज्ञानेश्वर महाराज यांचा पालखी आज पंढरपूरकडे मार्गस्थ होणार आहे. पालखी सोहळ्याची संपूर्ण तयारी अंतिम टप्यात आली आहे. यंदा संत ज्ञानेश्वर माऊलींच्या पालखीचा मान आळंदी गावातील कुऱ्हाडे परिवाराला मिळाला आहे.

यंदा बैलजोडीच्या मानासाठी आळंदी गावातील कुऱ्हाडे परिवाराकडून ७ अर्ज आले होते. त्यापैकी कुऱ्हाडे घराण्यातील सहादू बाबुराव कुऱ्हाडे यांच्या बाजी आणि हौश्या या बैलजोडीला मानाचा पालखी रथ ओढण्याचा बहुमान मिळाला आहे. या कुटुंबाला तब्बल २५ वर्षानंतर हा मान मिळाला आहे. (Sant Dnyaneshwar Maharaj Palkhi)

माऊलींच्या रथाला बैलजोडी जुंपण्याचा मान यंदाच्या वर्षी आळंदीतील सहादू कुऱ्हाडे यांना मिळाला आहे. कुऱ्हाडे कुटुंबीयांनी दोन खिलारी बैलजोडी विकत घेतली आहे. हौश्या - बाजी आणि माऊली - वजीर अशी दोन्ही बैलजोडीची नावे आहेत.

दरवर्षीप्रमाणे आळंदीकरांकडून मानाच्या बैलजोडीची सवाद्य मिरवणूक काढली जाते. यावर्षीही या बैलांची मिरवणूक काढण्यात आली होती.