‘परिस्थितीशी जुळवून घेणं महत्त्वाचं

चैत्राली गुप्ते

मातृत्वाची पहिली चाहूल मला ‘पंखांची सावली’ या मालिकेच्या चित्रीकरणादरम्यान लागली. तेव्हा ही मालिका ई-टीव्ही मराठीवर प्रसारित होत होती. गरोदरपणात सुरुवातीचे तीन-चार महिने अस्वस्थतेचा त्रास होत असतो. त्या काळात आहार, औषधं वेळेवर घेणं, चित्रीकरणाच्या वेळा सांभाळणं या सगळ्याच गोष्टी व्यवस्थित सांभाळाव्या लागत होत्या.