Bananas for Hair Growth: लांब केस हवेत? मग केळीच्या सालीचा असा वापर करून पाहा

Bananas for Hair Growth: प्रत्येक महिलेचं स्वप्न असतं की तिचे केस लांब आणि सुंदर असावेत. त्यामुळे आज आम्ही तुमच्यासाठी केळीच्या सालीचे पाणी घेऊन आलो आहोत. कॅटेचिनसारख्या अँटीऑक्सिडंट्स केळीमध्ये भरपूर प्रमाणात असतात.

हे तुमच्या केसांच्या पेशींचे नुकसान टाळण्यास मदत करते. तुम्ही केसांना सालीचे पाणी लावल्याने अकाली पांढरे होणे, केस पातळ होणे, कोरडेपणा आणि दुहेरी केस टाळण्यास मदत होते.

एवढंच नाही तर केसांना सालीचं पाणी लावल्याने चमक देखील येते. तसेच अँटी-मायक्रोबियल गुणधर्म आहेत, जे तुमच्या केसांना इन्फेक्शन आणि बॅक्टेरियाशी लढण्यास देखील मदत करतात.

केळीच्या सालीचा वापर केल्याने कोंडा, चिडचिड आणि खाज सुटणे यासारख्या समस्या कमी होण्यास मदत होते. चला तर जाणून घेऊया केळीच्या सालीचे पाणी कसे बनवावे.

केळीच्या सालीचं पाणी बनविण्यासाठी लागणारे साहित्य

• केळीची 2 साल

• 3 कप पाणी

केळीच्या सालीचं पाणी कसे बनवावे?

• सर्वात पहिली गोष्ट म्हणजे हे पाणी बनवण्यासाठी १ कढई घ्यावी.

• त्यामध्ये पाणी घालून अर्धे होईपर्यंत उकळावे.

• नंतर गॅस बंद करून थोडं पाणी कोमट होऊ द्यावे.

• त्यानंतर त्यामध्ये २ केळीचे साल घालून रात्रभर भिजवून ठेवावे.

• नंतर हे सालीचं पाणी सकाळी एकदा मिसळून स्प्रे बाटलीत भरून घ्यावे.

केळीच्या सालीचं पाणी केसांना असे लावावे?

• तुम्ही केसांमध्ये केळीच्या सालीचे पाणी कंडिशनर म्हणून देखील लावू शकता.

• त्यांनतर माइल्ड शॅम्पूच्या मदतीने केस धुवा.

• तुम्ही यांनतर केसांचे अतिरिक्त पाणी पिळून घ्या आणि बनवलेले सालाचे पाणी लावा.

• त्यांनतर हे सालीचे पाणी केसांमध्ये २० मिनिटे राहू द्या.

• ते झाल्यावर नॉर्मल पाण्याने केस धुवून स्वच्छ करावेत.