Hair Care Tips In Marathi : केसांवर केमिकलयुक्त ट्रीटमेंट करणे बहुतांश जणांना आवडत नाही. ही मंडळी शक्य होईल तितक्या नैसर्गिक सामग्रींनी केसांची निगा राखण्याचा प्रयत्न करतात. आपल्या हेअर केअर रूटीनमध्ये जितक्या नैसर्गिक उपचारांचा समावेश असतो, तितके केस मुळासकट मजबूत, घनदाट व काळेभोर राहतात.
पण धकाधकीच्या लाइफस्टाइलमुळे केसांची योग्य पद्धतीने काळजी घेणे काही जणांना शक्य होत नाही. त्यामुळे केमिकलयुक्त शॅम्पू, कंडिशनर इत्यादी प्रोडक्ट्सचा वापर केला जातो. बऱ्याचदा अयोग्य शॅम्पूच्या वापरामुळे केसांचं नुकसान होते.
हे नुकसान टाळायचे असेल तर शॅम्पूऐवजी काही नैसर्गिक-आयुर्वेदिक उपचार करून पाहा. घरच्या घरी सहज उपलब्ध होणाऱ्या सामग्रींपासून केसांची काळजी कशा पद्धतीने घेतली जाऊ शकते, पाहुया सविस्तर माहिती…
मुलतानी माती
चिकट आणि तेलकट केसांच्या समस्येपासून सुटका हवी असल्यास, यासाठी आपण मुलतानी मातीचा वापर करू शकता. केस व टाळूवर जमा झालेली घाण स्वच्छ करण्यासाठी मुलतानी माती म्हणजे प्रभावी उपाय.
केस धुण्यासाठी मुलतानी मातीचा एक तुकडा पाण्यात भिजत ठेवा. माती विरघळल्यानंतर केसांवर 10 ते 15 मिनिटांसाठी लावून ठेवा. यानंतर कोमट पाण्याने केस स्वच्छ धुऊन घ्यावेत.
केसांच्या काळजी घेण्याकरिता शिकेकाई, आवळा आणि रीठा यांचा विविध प्रकारे वापर केला जाऊ शकतो. या आयुर्वेदिक सामग्रींमुळे केसांना भरपूर फायदे मिळतात. शिकेकाई, आवळा आणि रीठा समप्रमाण एकत्रित करा व पाण्यात उकळा. पाणी घट्ट झाल्यानंतर गॅस बंद करावा. हे पाणी काही वेळासाठी थंड होऊ द्यावे. यानंतर याच पाण्याने केस स्वच्छ धुऊन घ्यावेत.
कोरड्या केसांच्या समस्येपासून सुटका हवी असल्यास नारळाच्या दुधाच्या केस स्वच्छ धुऊन घ्यावेत. नारळाच्या दुधाच्या वापरामुळे केसांना नैसर्गिक स्वरुपात मॉइश्चराइझरचा पुरवठा होतो. तसंच टाळूवर जमा झालेली घाण देखील स्वच्छ होते. नारळाचे दूध केसांवर तासाभरासाठी लावून ठेवा आणि यानंतर कोमट पाण्याने केस स्वच्छ धुऊन घ्यावेत.
दूध आणि मध एकत्रिक केसांवर लावल्यास केस मऊ होतात. एका वाटीमध्ये मध आणि दूध एकत्रित घ्या व नीट मिक्स करा. हे मिश्रण केसांवर 20 मिनिटांकरिता लावून ठेवा व यानंतर कोमट पाण्याने केस स्वच्छ धुऊन घ्या.
डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
