Monsoon Care : धबधब्यावर जाताना कोणती काळजी घ्याल? वाचा एका क्लिकवर

Monsoon Care: पावसाळ्यात अनेकांना फिरण्याची आवड असते. तर काहींना धबधब्यावर जाऊन थंडगार पाण्याखाली उभे राहयला आवडते. पण अलिकडेच एक बातमी समोर आली आहे ज्यात लोणावळ्यात वर्षाविहारासाठी गेलेल्या एका कुटुंबातील पाच जण भुशी डॅममध्ये वाहून गेले. मिळालेल्या ताज्या माहितीनुसार त्यातील तिघांचा मृतदेह मिळाला असून दोघांचा शोध सुरू आहे. यामुळे तुम्हीही मित्रांसोबत किंवा परिवारासोबत धबधब्यावर जाण्याचा विचार करत असाल तर पुढील गोष्टी लक्षात ठेवल्या पाहिजे.

कोणत्या गोष्टी लक्षात ठेवाव्या

खोलपाण्यात जाऊ नका

पावसाळ्याचा आनंद घेताना ही गोष्ट लक्षात ठेवली पाहिजे. खोलपाण्यात जाणे टाळावे. कारण खोल पाण्यात गेल्यावर वाहून जाण्याची शक्यता असते.

मद्यापान करून पण्यात जाऊ नका

धबधब्यावर चुकूनही मद्यपान करून जाऊ नका. यामुळे अपघात होण्याची शक्यता असते.

निसरडे खडक रत्यावर चालताना काळजी घ्या

धबधब्यावर गेल्यावर खडकावर जाणे टाळावे. तसेच रस्त्यावर चालताना काळजी घ्यावी. कारण पाय घसरून दुखापत होऊ शकते किंवा पाण्यात वाहून जाण्याची भिती असते.

धबधब्याच्या प्रवाहात जाऊ नका

धबधब्याच्या प्रवाहात जाणे टाळावे. असे करणे तुमच्यासाठी धोकादायक ठरू शकते. अनेक लोक फोटो काढण्यासाठी धबधब्याच्या प्रवाहात जातात आणि समस्या वाढवून घेतात.

अति उत्सहाता कोणताही निर्णय घेऊ नका

अनेक लोक किंवा पर्यटक अतिउत्साहात धबधब्यावर जातात आणि पाण्यात जाऊन फोटो किंवा व्हिडिओ घेतात. पण असे करू नका.यामुळे पाण्यात वाहून जाण्याची शक्यता असते.

अनोळखी ठिकाणी जाऊ नका

पावसाळ्यात फिरायला जाताना अनोळखी ठिकाणांना भेट देऊ नका. कोणत्याही धबधब्यावर जाताना आधी माहिती काढावी आणि मगच जाण्याचा प्लॅन करावा.

नियमांचे पालन करावे

पावसाळ्यात अनेक ठिकाणी पर्यटकांच्या सुरक्षेसंदर्भात सुचना आणि नियम सांगितलेले असतात. त्या नियमांचे पालन करावे.