Black Rice Benefits : वाढत्या मधुमेहाची काळजी वाटतेय? मग काळा तांदूळ खा, नक्की फरक पडेल!

Black Rice Benefits : बहुतेक लोकांना भात खाणे आवडते, परंतु आरोग्याबाबत जागरूकतेमुळे ते भात खाणे टाळतात. जिथे भात खाल्ल्याने वजन वाढते तिथे अनेक आजार घर करतात. अशा परिस्थितीत काळा तांदूळ तुमचा आधार बनू शकतो.

तुम्ही काळ्या तांदळाबद्दल फारसे ऐकले नसेल, परंतु त्याचे अतुलनीय फायदे जाणून तुम्हाला आश्चर्य वाटेल. त्याचे आरोग्य फायदे अनेक अभ्यासात सांगितले गेले आहेत.

काळ्या तांदळात शक्तिशाली अँटिऑक्सिडेंट गुणधर्म असतात जे आपल्याला अनेक रोगांपासून दूर ठेवतात. ते खूप निरोगी मानले जातात. ते पचायला सोपे असतात. यामध्ये कॅन्सरपासून बचाव करण्याची क्षमता आहे, तसेच मधुमेहावर नियंत्रण ठेवण्यास मदत होते, असे म्हटले जाते.

कर्करोग टाळण्यासाठी क्षमता

काळा तांदूळ आरोग्यासाठी चांगला मानला जातो. काळ्या तांदळात दाहक-विरोधी, अँटीऑक्सिडंट आणि अँटी-कार्सिनोजेनिक गुणधर्म असतात ज्यात कर्करोगापासून संरक्षण करण्याची क्षमता असते.

मधुमेहावर फायदेशीर

मधुमेहाच्या रुग्णांसाठी काळा तांदूळ चांगला मानला जातो. काळ्या तांदळात अँटिऑक्सिडंट्स, प्रोटीन आणि आयर्न असते, जे मधुमेह नियंत्रित करते. काळ्या तांदळात असलेले अँथोसायनिन रक्तातील ग्लुकोजची पातळी नियंत्रित करते.

वजन कमी करण्यासाठी उपयुक्त

काळा तांदूळ वजन कमी करण्यासाठी उपयुक्त ठरतो. काळ्या तांदळात प्रथिने आणि फायबर भरपूर असते, जे वजन नियंत्रित ठेवते. अशा परिस्थितीत जर तुम्ही आहारावर असाल तर तुम्ही त्याचे सेवन करू शकता.

डोळ्यांसाठी फायदेशीर

काळा तांदूळ डोळ्यांसाठीही चांगला मानला जातो. यामध्ये ल्युटीन आणि झेक्सॅन्थिन आढळतात जे डोळे निरोगी ठेवतात. काळा भात नियमित खाल्ल्याने मोतीबिंदू आणि डायबेटिक रेटिनोपॅथी सारख्या गोष्टींचा धोका कमी होतो.

हृदयाच्या आरोग्यासाठी फायदेशीर

काळे तांदूळ फायदेशीर आहे. यामधले फायटोकेमिकल कोलेस्ट्रॉलवर नियंत्रण ठेवतात. हे वाईट कोलेस्ट्रॉल कमी करण्यात मदत करतात. याव्यतिरिक्त हे हृदय रक्तवाहिन्यांमध्ये अर्थ्रोस्क्लेरोसिस प्लेक निर्मितीची शक्यता कमी करतात ज्याने हार्ट अटॅक आणि स्ट्रोकची शक्यता कमी होते.

पचनसंस्था सुरळीत ठेवते

काळे तांदूळमध्ये मोठ्या प्रमाणात फायबर आढळतात. जे बद्धकोष्ठता सारख्या समस्या दूर करतात. पचनसंबंधित तक्रारही यामुळे दूर होतात.

रोगप्रतिकार शक्ती वाढते

काळे तांदुळात एंथोसायनिन नामक अँटीऑक्सीडेंट भरपूर प्रमाणात आढळतात. जे कार्डियोवेस्कुलर आणि कर्करोग सारखे रोगांपासून बचाव करतात. यामुळे रोग प्रतिकारशक्ती वाढते.

अँटीऑक्सीडेंट

हे तांदुळ गडद रंगाचे आहेत. अँटीऑक्सीडेंट तत्त्वांमुळे यांचा रंग गडत असतो जे आपल्या त्वचा, मेंदु आणि डोळ्यांसाठी खूपच फायदेशीर आहे.