Blue Tea For Weight : वजन कमी करण्यासाठी इफेक्टीव्ह आहे गोकर्णाच्या फुलाचा चहा, असे करा सेवन

Blue Tea For Weight :

आजकाल वजन कमी करण्यासाठी अनेक प्रकारच्या चहाचे सेवन केले जाते. ग्रीन टी, मसाला टी यांच्यात आता निळ्या चहाची भर पडली आहे. निळ्या रंगाचा चहा हा गोकर्णाच्या फुलांपासून तयार केला जातो. या फुलांचे आपल्या आरोग्याला अनेक फायदे आहेत.

पण आज आम्ही ज्या फायद्याबद्दल सांगणार आहोत. तो वजन कमी करणाऱ्या लोकांसाठी आहे. ज्यांना वजन कमी करायचं आहे, त्यांनी ग्रीन टीसारखेच या चहाचे सेवन करावे. ज्यामुळे, त्यांचे वजन कमी व्हायला मदत होणार आहे. (Weight Loss Tips)

काय आहेत या चहाचे फायदे

• गोकर्णाच्या फुलांपासून बनवलेला चहा म्हणजेच निळ्या चहाचे सेवन केल्याने वजन कमी होण्यास मदत होतेच शिवाय अनेक आजारांचा धोकाही कमी होतो.

• याचे सेवन केल्याने शरीरात जमा झालेली अतिरिक्त चरबी तर कमी होतेच पण चयापचय वाढण्यासही मदत होते.

• गोकर्णाच्या फुलांपासून बनवलेल्या चहामध्ये अँटी-ऑक्सिडंट गुणधर्म असतात, जे वजन कमी करण्यास मदत करतात.

• या चहाचे सेवन केल्याने चयापचय वाढतो. त्यामुळे चरबी जाळण्याची प्रक्रिया वेगवान होते. याचे नियमित सेवन केल्यास उच्च रक्तदाब, मधुमेह, उच्च कोलेस्टेरॉल यासह अनेक गंभीर समस्यांपासून आराम मिळतो.

कसा बनवायचा हा चहा

गोकर्णाचा चहा बनवण्याची प्रक्रिया खूप सोपी आहे. रोज सकाळी एका पातेल्यात 5 ते 6 गोकर्णाची फुले एका ग्लास पाण्यात घालून चांगले उकळा. यानंतर पाणी उकळून अर्धे झाल्यावर ते गाळून त्यात लिंबाचा रस किंवा मध टाकून प्यावे. या चहाचे नियमितपणे सकाळी सेवन केल्यास वजन नियंत्रित ठेवण्यास खूप फायदा होतो. (Healthy Tea Recipe)