Raksha Bandhan : बॉलिवूडच्या 'या' चार सावत्र बहिण-भावांची अनोखी बाँडिंग

देशरात बहिणभावाचा रक्षाबंधन हा सण फार उत्साहात साजरा केला जातो. सर्वसामान्य लोकांच्या घरांप्रमाणेच सेलिब्रिटीजच्या घरीपण याचा नेगळाच उत्साह बघायला मिळतो. सख्या भावंडांत तर रक्षाबंधनाला बरेच प्रेम बघायला मिळते. पण बॉलिवूडच्या या सावत्र बहिण भावात जबरदस्त बाँडिंग बघायला मिळते. बी टाऊनमधले हे सावत्र बहिण भाऊ यांच्यातल्या या सुंदर बाँडिंगमुळे ते रक्षाबंधनाचा सण फार प्रेमाने साजरे करतात.

(Rakshabandhan 2023)

जान्हवी कपूर व अर्जुन कपूर

जान्हवी कपूर व अर्जुन कपूर हे सावत्र बहिण भाऊ आहेत. बोनी कपूर व त्यांची पहिली पत्नी मोना यांना दोन मुले आहेत. अर्जुन व अंशला कपूर. तर दुसरी पत्नी श्रीदेवी पासून २ मुली जान्हवी व खुशी कपूर. जान्हवी व अर्जुन कपूर यांचे नाते पहीले एवढे चाकगले नव्हते. पण श्रीदेवी यांच्या निधनानंतर अर्जुनने त्याचे मोठ्या कर्तव्य जबाबदारीने निभावले. त्यामुळे अर्जुन व जान्हवी यांच्यातील अंतर दूर झाले. अर्जुन कपूर अनेकवेळा आपल्या बहिणींची काळजी घेताना दिसला आहे.

सारा अली खान व तैमुर अली खान

सारा अली खान आपल्या सावत्र भावाला तैमुर अली खानला दरवर्षी राखी बांधते. साराचे करीना कपूर व तिच्या दोन्ही मुलांसोबत खूप चांगले बाँडिंग आहे. सारा नेहमीच तैमुरसोबतचे आपले क्युट फोटोज शेअर करत असते.

सनी देओल व इशा देओल

धर्मेंद्र व हेमा मालिनी यांचे लग्न बॉलिवूडमधले सर्वात चर्चेत असलेले लग्न होते. धर्मेंद्र यांच्याही दोन पत्नी होत्या. हेमा मालिनीपासून ईशा व अहना देओल या दोन मुली तर पहिल्या पत्नीपासून सनी व बॉबी देओल हे दोन मुले आहेत. या दोन्ही मुलांचे आपल्या दोन्ही सावत्र बहिणींशी बाँडिंग खूप चांगले आहे.

आलिया भट व राहुल भट

हिंदी सिनेमाचे प्रसिध्द निर्माता महेश भट यांनी दोन लग्न केले आहेत. त्यांना पहिल्या पत्नीपासून दोन मुले आहेत. पूजा व राहुल भट. तर दुसरी पत्नी सोनी राजदान यांच्यापासून आलिया व शाहीन भट या दोन मुली आहेत. आलिया व राहुल हे सावत्र बहिण भाऊ आहेत पण त्यांच्यात सख्या भावंडाप्रमाणे प्रेम आहे.