तणावांशी करा सामना

- डॉ. मलिहा साबळे, मानसिक आरोग्यतज्ज्ञ, संस्थापक व संचालक - द हेल्दी माइंड

जैविक ताण हा अगदी अलीकडचा शोध आहे. तणावाची लक्षणे फार पूर्वीपासून अस्तित्वात होती, परंतु तणावांबाबतचा शोध लागल्यानंतर त्याबाबत नवीन संशोधन झाले, ज्यामुळे लाखो लोकांना तणावाचा सामना करण्यास मदत झाली. आज तणावाचा सामना करण्याचे मार्ग शोधूया.

पुढच्या वेळी जेव्हा तुम्हाला तणाव वाटत असेल, तेव्हा स्वतःला शांतपणे समजावायचा प्रयत्न करा. तुम्ही तणावग्रस्त का आहात, हातात असलेले काम पूर्ण करण्यासाठी तुम्हाला काय करावे लागेल, हे स्वतःला सांगा आणि सर्वांत महत्त्वाचे म्हणजे सर्वकाही ठीक होईल, हा विश्वास तयार करा.

तुम्हाला तणाव वाटत असेल, तेव्हा मित्राला किवा तुमच्या जवळच्या व्यक्तीला कॉल करण्यासाठी ब्रेक घ्या आणि तुमच्या समस्यांबद्दल बोला. कोणत्याही निरोगी जीवनशैलीसाठी मित्र आणि प्रियजनांशी चांगले संबंध महत्त्वाचे असतात. तुम्ही खूप तणावाखाली असता, तेव्हा ते विशेष महत्त्वाचे असतात. एक आश्वासक आवाज, अगदी एका मिनिटासाठीही, सर्व काही योग्य करू शकतो.

तणाव पातळी आणि योग्य आहार यांचा जवळचा संबंध आहे. जेव्हा आपण भारावून जातो, तेव्हा आपण बऱ्याचदा चांगले खाणे विसरतो आणि पिक-मी-अप म्हणून साखरयुक्त, फॅटी स्नॅक पदार्थ वापरण्याचा अवलंब करतो. साखरयुक्त स्नॅक्स टाळण्याचा प्रयत्न करा आणि योग्य आहाराचे सेवन करा. फळे आणि भाज्या नेहमीच चांगल्या असतात आणि ओमेगा -३ फॅटी ॲसिडचे प्रमाण जास्त असलेले मासे तणावाची लक्षणे कमी करतात.

भरपूर व्यायाम करा. याचा अर्थ जिममध्ये पॉवर लिफ्टिंग किंवा मॅरेथॉनसाठी प्रशिक्षण असा होत नाही. थोडेसे चालणेसुद्धा तणावपूर्ण परिस्थितीत तात्काळ आराम देऊ शकते, तुमचे रक्त हालचाल करून एंडोर्फिन रिलिज करते आणि तुमचा मूड जवळजवळ त्वरित सुधारू शकतो.

सर्वांत महत्त्वाचे म्हणजे, तुम्हाला अजूनही तणावाचा त्रास होत असेल, तर तुमच्या मानसिक आरोग्यतज्ज्ञांशी संपर्क साधा, कारण ते तुमच्या लक्षणांचा अभ्यास करून, तुमच्या दीर्घकालीन वेलबीइंगसाठी योग्य उपचार करण्यात मदत करतात.

आवाहन

या सदरासाठी फोटो पाठवताना फोटो चांगल्या क्वालिटीचे असावेत. फोटोबरोबर नाव (देवनागरीत) आणि मोबाईल क्रमांकही नक्की लिहावा. फोटो पाठवण्यासाठीचा पत्ता : maitrin@esakal.com