Diwali Skin Care : दिवाळीमध्ये चेहऱ्यावर ग्लो हवाय? मग, ट्राय करा ‘हे’ घरगुती फेसपॅक्स

Diwali Skin Care : दिवाळी अवघ्या काही दिवसांवर येऊन ठेपली आहे. दिवाळीच्या आधी सर्वजण घरांची स्वच्छता आणि साफसफाई करतात. स्वच्छता आणि साफसफाई झाली की, मग घर सजावटीची तयारी करतात. त्यामुळे, दिवाळीमध्ये घर सुंदर, स्वच्छ आणि आकर्षक दिसते.

दिवाळीमध्ये जशी आपण घराची काळजी घेते तशी आपण स्वत:ची देखील काळजी घ्यायला हवी. दिवाळीमध्ये आपण नवे कपडे घालतो, मस्त मेकअप करतो. मात्र, दिवाळीपूर्वी त्वचेची देखील खास काळजी घ्यायला हवी, जेणेकरून दिवाळीमध्ये त्वचा छान ग्लो करेल.

दिवाळीमध्ये त्वचा छान ग्लो असावी आणि आपण सुंदर दिसावे, अशी देखील अनेक महिलांची इच्छा असते. मग, त्यासाठी ब्युटी पार्लरमध्ये पैसे कशाला खर्च करायचे? म्हणूनच आज आम्ही खास दिवाळीमध्ये सुंदर दिसण्यासाठी घरगुती फेसपॅक्सबद्दल सांगणार आहोत. जे तुम्ही अगदी घरच्या घरी झटपट बनवू शकता.

दही आणि लिंबू

आपला चेहरा छान मॉईश्चराईझ करण्यासाठी दही अतिशय फायदेशीर आहे. दह्यामुळे चेहरा मऊ आणि सॉफ्ट होण्यास मदत होते. लिंबामध्ये व्हिटॅमीन सी चे प्रमाण भरपूर असल्यामुळे याचा वापर केल्यावर आपल्या चेहऱ्यावर छान चमक येते. त्यामुळे, हे दोन्ही घटक आपला चेहरा ग्लो करण्यासाठी फायदेशीर आहेत.

हा फेसपॅक तयार करण्यासाठी एका बाऊलमध्ये ३-४ चमचे लिंबाचा रस घ्या. आता त्यामध्ये २-३ चमचे दही मिक्स करा. आता, ही पेस्ट चांगली मिक्स करून चेहऱ्यावर लावा. १५-२० मिनिटांनी चेहरा धुवून टाका. चेहरा धुतल्यानंतर, मॉईश्चरायझर लावायला विसरू नका. हा फेसपॅक तेलकट त्वचेसाठी अतिशय उत्तम आहे. या फेसपॅकमुळे तुमच्या चेहऱ्यावर ग्लो नक्कीच येईल.

बटाटा आणि मध

हा फेसपॅक तयार करण्यासाठी १ बटाटा घ्या. तो सोलून किसून घ्या. किसल्यानंतर एका गाळणीच्या मदतीने त्याचा रस काढा. आता या बटाट्याच्या रसामध्ये १ किंवा २ चमचे मध मिसळा. यात हवे तर तुम्ही गुलाबजलचे १-२ थेंब ही घालू शकता.

आता हा फेसपॅक चेहऱ्यावर आणि मानेजवळ लावा. २०-२५ मिनिटांनंतर चेहरा धुवून टाका. या फेसपॅकमुळे तुमच्या चेहऱ्याला एक वेगळीच चमक मिळते. तुमच्या चेहऱ्यावर लगेच ग्लो येण्यास मदत होते.