Diwali Outfit Ideas : अवघ्या काही दिवसांवर दिवाळीचा सण येऊन ठेपला आहे. आपल्या देशात दिवाळीचा सण मोठ्या उत्साहात आणि थाटामाटात साजरा केला जातो. दिवाळी म्हटलं की अनेकदा महिलांना पारंपारिक लूक करायला आवडतो.
मात्र, नेहमी तसाच लूक करण्यापेक्षा काहीतरी वेगळा लूक ट्राय करायचा असेल तर, इंडो-वेस्टर्न लूक बेस्ट आहे. यंदाच्या दिवाळीला हा इंडो-वेस्टर्न लूक तयार करण्यासाठी आज आम्ही काही टिप्स देणार आहोत. चला तर मग जाणून घेऊयात या इंडो-वेस्टर्न लूकच्या खास टिप्स.
धोती स्टाईल स्कर्टची आजकाल खूपच चलती आहे. मुलींमध्ये तर या प्रकारच्या स्कर्टची खूपच क्रेझ आहे. या दिवाळीला तुम्ही देखील अशा पद्धतीचा इंडो वेस्टर्न स्टाईल धोती स्कर्ट नक्कीच स्टाईल करू शकता.
मार्केटमध्ये या प्रकारेच स्कर्ट तुम्हाला आरामात २००० पर्यंत मिळू शकतात. शिवाय, यामध्ये अनेक प्रकारचे कलर्स देखील उपलब्ध आहेत.
फ्रिल स्कर्ट स्टाईल साडीची देखील महिलांमध्ये प्रचंड क्रेझ आहे. या लूकमुळे तुमच्या व्यक्तिमत्वाला चारचॉंद लागतील यात काही शंकाच नाही. अभिनेत्री शिल्पा शेट्टीप्रमाणे तुम्ही देखील हॉल्टर नेक स्टाईल ब्लाऊज सोबत तुम्ही फ्रिल स्कर्ट स्टाईल करू शकता.
या लूकवर तुम्हाला मोकळ्या केसांची हेअरस्टाईल आणि मिनिमल मेकअफ आणि डायमंड ज्वेलरी कॅरी करावी लागेल. मग तुमचा लूक परफेक्ट दिसेल.
मार्केटमध्ये सध्या पेपलम टॉपला महिलांची खास मागणी आहे. या प्रकारचे टॉप तुम्ही स्कर्ट किंवा गरारावर ही स्टाईल करू शकता. दिवाळीसाठी हा एक वेगळा आणि हटके लूक तुम्हाला मिळवून देऊ शकतो.
हे पेपलम टॉप दिसायला ही सुंदर असतात. तुम्हाला इंडो-वेस्टर्न लूक करण्यासाठी फक्त या पेपलम टॉपसोबत गरारा परिधान करा. हा गरारा लूक तुम्हाला परफेक्ट दिवाळी लूक मिळवून देईल. या लूकवर तुम्ही ऑक्सिडाईज्ड ज्वेलरी कॅरी करू शकता.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.