सबस्क्राईब करा
दिवाळीसाठी प्रत्येक जण आज रविवारचा दिवस राखून ठेवतो. कारण, या दिवशी ऑफिसला सुट्टी असते आणि दिवाळीची खरेदी करायची असते. कारण उद्यापासून दिवाळीला सुरुवात होत आहे. त्यामुळे आज खरेदी करायची असते. त्यामुळेच सुट्टीच्या दिवशी बाजारपेठा सजलेल्या असतात.
तुम्ही आज आकाश कंदील घरी आणण्याचा प्लॅन करत असाल. तर त्यासाठी वेळ वाया घालू नका. तुम्ही एक सुंदर असा आकाश कंदील घरीच बनवू शकता. तेही अगदी सोप्या आठ पायऱ्यांमध्ये. हा आकाश कंदील कसा बनवायचा त्यासाठी साहित्य काय काय लागतं, याबद्दल जाणून घेऊया.
तीन A2 आकाराचे कागद, हे कागद तीनही वेगवेगळ्या रंगांचे निवडा. रंगीत कागदी फिती, ग्लिटर गिफ्ट रॅपिंग पेपर, दोरी किंवा रिबन, डिंक किंवा टेप; कात्री आणि स्टेपलर
लाल रंगाचा कागद लांबी 11 इंच आणि रूंदी 6 इंच मोजून आयताकृती पद्धतीने कापून घ्या. नंतर ते शेंगदाण्याच्या पुडीसारखा रोल करा.
आता हिरव्या रंगाचा कागद 7.5 x 7.5 इंच असे चौकोन कापून घ्या. त्यानंतर गुलाबी रंगाच्या कागदाचे 6.5 x 6.5 असे चौकोनी तुकडे करा.
हिरव्या चौकोनावर गुलाबी चौकोन चिकटवा. अगदी मध्यभागी. यामुळे प्रत्येकी एक चौकोनाची हिरवी बॉर्डर सर्वत्र दिसेल.
हिरव्या आणि गुलाबी रंगाचे असे 10 चौकोन तयार करा. आता चौकोनाचे दोन विरुद्धार्थी कोपरे पकडून चिकटवा, गुलाबी रंगाचा कागद आतून समोर ठेवा. त्यानंतर आधी बनवलेल्या मोठ्या त्रिकोणी आकारातील रोलच्या बाजूने चिकटवा.
गिफ्ट रॅपिंग पेपरच्या एक इंच रुंद पट्ट्या कापून घ्या. या पट्ट्या सिलेंडरच्या वरच्या आणि खालच्या भागांवर चिकटवण्यासाठी वापरल्या जातील.
शेवटी कागदाच्या फिती समान लांबीमध्ये कापून घ्या. या रिबन्सची जितक्या मोठ्या आकारात असतील तितके चांगले असेल.
आकाश कंदिल तुम्ही कुठे लावणार आहात त्यानुसार त्याला रिबन जोडून घ्या.
आता तुम्ही ते तुमच्या घराच्या बाहेर, बाल्कनीत लावू शकता. त्याच्या आत एक बल्ब जोडा. तुमचा घरी बनवलेला आकाशकंदील तयार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.