पावसाळ्यात स्किन केअरमध्ये बदल व्हायला हवा. वातावरणातील आर्द्रतेमुळे या ऋतूत त्वचा चिकट वाटते. चिकट त्वचेवर धूळ सहज जमा होते, त्यामुळे चेहरा लवकर घाण होतो. घाणीमुळे त्वचेवर पुरळ येऊ लागतात.
या ऋतूत चेहऱ्यावर कोणत्या गोष्टींचा वापर करावा, हे जाणून घेतले पाहिजे. अन्यथा, तुमच्या त्वचेला इजा होऊ शकते. चला जाणून घेऊया पावसाळ्यात कोणत्या गोष्टी टाळाव्यात.
ऑईली प्रोडक्ट्स
ऋतूनुसार त्वचेची काळजी घेणारी उत्पादने बदलली पाहिजेत. तसेच ऋतू कोणताही असो, त्वचेची योग्य काळजी घेणे आवश्यक असते. पावसाळ्यात चेहऱ्यावर ऑईली प्रोडक्ट्स वापरू नका. ऑईली प्रोडक्ट्समुळे त्वचेवर पुरळ येऊ शकतात. म्हणूनच डागरहित त्वचा मिळविण्यासाठी तुम्ही पाणी आणि मिनरल बेस्ड गोष्टींचा वापर करावा.
हेवी मॉइश्चरायझर
त्वचेला मॉइश्चरायझ करणे आवश्यक आहे, परंतु पावसाळ्यात हेवी आणि ग्रीसी मॉइश्चरायझर्स वापरू नका. यामुळे तुमची त्वचा अधिक चिकट होईल. आपल्या सर्वांना माहित आहे की चिकट त्वचेवर धूळ आणि घाण सहजपणे जमा होते, ज्यामुळे त्वचेला नुकसान होऊ शकते. त्वचेवर पुरळ उठू लागते. लाइटवेट आणि नॉन कॉमेडोजेनिक मॉइश्चरायझर्स या ऋतूमध्ये फायदेशीर ठरतात.
हार्श एक्सफोलिएटर
त्वचेला स्क्रब करणे आवश्यक आहे, परंतु जर तुम्ही त्वचेवर हार्श एक्सफोलिएटर वापरत असाल तर ते त्वचेचे नैसर्गिक तेल काढून टाकेल. यामुळे त्वचा कोरडी होते. म्हणूनच स्क्रब खरेदी करण्यापूर्वी तुम्ही बाटलीवर लिहिलेली माहिती वाचली पाहिजे, जेणेकरून तुम्हाला स्क्रब बनवण्यासाठी कोणते घटक आणि रसायने वापरण्यात आली आहेत हे कळेल.
हेवी मेकअप करू नका
पावसाळ्यात हेवी मेकअप करणे टाळा. हवामानातील आर्द्रतेमुळे मेक-अप सहज मेल्ट तर होतेच पण त्यामुळे त्वचा खराब होते. हेवी मेकअपमुळे छिद्र बंद होतात, ज्यामुळे ब्रेकआउट होऊ शकतात. त्यामुळे हलका मेकअप करा. मेकअप काढायला विसरू नका. विशेषत: रात्री झोपण्यापूर्वी त्वचा स्वच्छ करा. यामुळे त्वचा निरोगी राहते.
या गोष्टी लक्षात ठेवा
पावसाळ्यात चेहरा गरम पाण्याने धुवू नका. त्याऐवजी कोमट किंवा थंड पाण्याने चेहरा धुवा. गरम पाणी त्वचेतील नैसर्गिक तेले देखील काढून टाकते, ज्यामुळे कोरडेपणा येऊ शकतो.
पावसाळ्यात पर्सनल गोष्टी शेअर करू नका. यामध्ये टॉवेल, मेकअप ब्रश आणि कंगवा यासारख्या गोष्टींचा समावेश आहे.
चेहऱ्याला सतत हात लावू नका. घाणेरड्या हातांमुळे चेहऱ्यावर फोड येऊ शकतात. त्यामुळे हात स्वच्छ ठेवा. तसेच, चेहऱ्यावर टिश्यू आणि रुमाल वापरा.
लक्षात ठेवा की हवामान कोणतेही असो, तुम्ही सनस्क्रीन वापरावे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
