सुंदर पिचई यांना यशस्वी करणारी त्यांची दिनचर्या कशी आहे माहीत आहे का ?

मुंबई : गुगलचे सीईओ सुंदर पिचाई आज १० जून रोजी ५० वर्षांचे झाले आहेत. सुंदरचा जन्म १० जून १९७२ रोजी तामिळनाडूच्या मदुराई जिल्ह्यात झाला. सुंदरने आयआयटी खडगपूरमधून बीटेक आणि स्टॅनफोर्ड विद्यापीठातून एमएस केले आहे. सुंदरचे आयुष्य अजूनही त्याच्या पालकांनी शिकवलेल्या सवयींवर आधारित आहे. भारताबाहेर असूनही, सुंदर त्याच्या भारतीय पालकांनी शिकवलेल्या सवयींचे पालन करतात.

तुम्ही परदेशात राहा किंवा देशात, भारतातील प्रत्येक घरात पालक आपल्या मुलांना यशस्वी होण्यासाठी एक सुवर्ण सल्ला देतात, तो म्हणजे पहाटे लवकर उठणे. भारतीय पालकांचा असा विश्वास आहे की जी मुले सकाळी लवकर उठतात ते त्यांच्या आयुष्यात अधिक यशस्वी होतात. यासोबतच मॉर्निंग वॉकसाठी जा, फळे खा, फोनचा वापर कमी करा, असे काही सल्लेही उपलब्ध आहेत. पालक स्वतः देखील या सल्ल्याचे पालन करतात आणि त्यांच्या सकाळच्या दिनचर्येत वर्तमानपत्र वाचणे आणि खुर्चीवर बसून चहा पिणे यासारख्या सवयी समाविष्ट करतात. भारतीय घरांमध्ये दिवसाची सुरुवात अशी होते.

जशी दिनचर्या पालक आपल्या मुलांना शिकवू इच्छितात, तोच दिनक्रम सुंदर पिचाई आजही परदेशात राहून पाळतात. देसी पालकांना त्यांची सकाळची दिनचर्या जाणून खूप आनंद होईल आणि त्यांच्या मुलानेही ही दिनचर्या स्वीकारावी अशी त्यांची इच्छा आहे. २०१६ मध्ये 'रिकोड'ला दिलेल्या मुलाखतीत पिचाई यांना त्यांच्या सकाळच्या दिनचर्येबद्दल विचारण्यात आले होते. यावर पिचाई यांनी सांगितले की, त्यांना सकाळी लवकर उठायला आवडते. ते रोज सकाळी ६.३० ते ७ च्या दरम्यान उठतात.

उठल्यानंतर पिचाई हे वर्तमानपत्र वाचतात. तुम्ही पाहिलं असेल की वृत्तपत्र देणारा रोज सकाळी भारताच्या रस्त्यांवर फिरतो कारण इथल्या लोकांना सकाळी वृत्तपत्र वाचण्याची सवय आहे आणि सुंदरही हा दिनक्रम पाळतात. या मुलाखतीत पिचाई यांनी सांगितले होते की, ते सकाळी चहाही पितात. त्यांच्या नाश्त्यामध्ये टोस्ट, ऑम्लेट आणि चहा यांसारखे भारतीय पदार्थ देखील असतात.

पिचाई म्हणाले की ते भारतात मोठे झाले आहेत आणि त्यांची सकाळची दिनचर्या इतक्या वर्षांनंतरही भारतीयांसारखीच आहे. त्यांना भारतीय पदार्थही आवडतात. सुंदर पिचाई यांनी सांगितले की, ते सकाळी वर्कआउट करत नाहीत पण संध्याकाळी थोडा वेळ काढून व्यायाम करण्याचा प्रयत्न करतात.